بوگون "سهشنبه" کابلده خبری ییغین اوتکزگن برشنا شرکتینینگ باشلیغی امانالله غالب نینگ ایتیشیچه، عزیزی بانک و اوشبو شرکت آرهسیده امضا ایتلگن کیلشووگه کوره، بوندن سونگ عزیزی بانککه بانکی حسابی بولگن کیشیلر برق پولنی مبایل آرقهلی پرداخت قیلهآلدی.
جناب غالب گه کوره، اوشبو سیستمهدن قولهنیش فسادگه توسیق بولیب و مملکت یشاوچیلریگه قولیلیک یرهتهدی.
برشنا شرکتینینگ باشلیغی گه کوره، بوندن سونگ میتر نصب قیلیش خذمتلری، برق بللرینی توزیع قیلیش و باشقه خذمتلر خصوصی شرکتلرگه تاپشیریلهدی و هوشمند میترلرنینگ نصب قیلیش لایحهسی هم باشلنگن.
برشنا شرکتی رسمیلرینینگ ایتیشیچه، قییش فصلی کیلمسدن آلدین آفتابی برق پروژهسینی هم باشلنیشی ممکن و آفتابی برق دن قولهنیشنی ایستگنلر 50 فایز پولنی نقد بیریب و باشقه 50 فایزینی قسط شکلده بیرهآلهدی.
