حیرتان بندری یولیده ناتینچلیکلر کینگهییشی گه علاوه، ایریم پیتلر بلخ-بغلان قتناو یولیده تیل تانکرلری دولت گه قرشی قوراللی عصیانچیلر تامانیدن نشانگه آلینیب و اوت بیریلهدی.
حیرتان بندری نفتی ماده ریاستی مسؤوللری نینگ ایتیشیچه، کابل-شمال قتناو یولیده امنیتی تهدیدلر کوپهیگنی باعث، سوداگرلردن بیرقطاری، حیرتان بندری دن تیل اوتکزمهیدیلر.
سلاموطندارگه صحبت بیرگن حیرتان بندری نفتی ماده ریاستی باشلیغی نجیبالله مبین نینگ ایتیشیچه، شو یوزهدن حیرتان بندری دن آلیب کیلینهدیگن تیل کمهیگن.
اونگه کوره، حاضر چیتایلدن تیل آلیب کیلهدیگنلردن بیرقطاری، مملکت نینگ باشقه بندرلریدن تیل اوتکزهدیلر.
حیرتان بندری یقینیده جایلشگن بلخ ولایتی نینگ شورپته و کلدار تومنلری یشاوچیلریدن بیرقطاری، بو قسمتلرده خوفسیزلیک تأمینلنیشی نی سورهیدیلر.
بلخ ده تیل آلیب کیلشووچی شرکتلردن بیرقطاری مسؤوللری نینگ ایتیشیچه، مذکور ولایت گه تیگیشلی قتناو یوللر و حیرتان بندری نینگ خوفسیزلیگی تأمینلنیشی امنیتی ادارهلرنینگ بیرینچی ایشلری بولیشی کیرهک.
حیرتان پولیس قومندانی میرحبیبالله گذر، حیرتان بندری نینگ ایریم قسمتلریده عصیانچیلرنینگ فعالیتینی تَن آلهدی، بیراق ایتیشیچه، خوفسیزلیک کوچلری امنیتی کمربندلر قوریب اولرنی قتهغن قیلهدی.
عین حالده، حیرتان بندری نفتی ماده ریاستی مسؤوللری نینگ ایتیشیچه، گرچند بو بندردن تیل اوتکزیلیشی کمهیگن، بیراق درآمدلری اوتگن ییل گه نسبتن جاری ییل نی بیرینچی آلتی آییده کوپهیگن.
اولرگه کوره، 1398- مالی ییل باشلنگنیدن بویان مذکور ریاست نینگ جایدادلرینی کراسی و بندردن اوتکزیلگن تیل درکی دن کمیده بیر میلیون دالر توپلنگن.
