قندهار حاکمی نینگ مطبوعات دفتری بیر اعلامیه ترقهتیب ایتیشیچه، پاکستان حربیلری نینگ راکتی هجوملری عاقبتیده کمیده 15 تینچاهالی هلاک و باشقه 80 تینچاهالی یرهلنگن.
اعلامیه گه کوره، بو حادثه قندهار ولایتی نینگ اسپینبولدک تومنیده یوزبیرگن.
اعلامیه نینگ کوپهیتیریشیچه، پاکستان حربیلری نینگ راکتی هجوملری اوتگن کون (پنجشنبه 9- اسد) قندهار ولایتی نینگ اسپین بولدک تومنیدهگی یشش منطقهلرده صورت تاپگن.
شونینگدیک ملی مدافعه وزیرلیگی بو حادثه نی تصدیقلب ایتیشیچه، پاکستان حربیلری نینگ اسپینبولدک تومنی اوستیدهگی راکتی هجوملریده، 9 تینچاهالی هلاک و کمیده باشقه 50 کیشی یرهلنگن.
اعلامیه نینگ کوپهیتیریشیچه، مملکت حربی مرکزی باشلیغی محمد یاسین ضیا، پاکستان حربیلری نینگ هجوملریگه جواب قیتهریش اوچون، 205 اتل، 201 سیلاب و 203 تندر قول اردو قومندانلیگی نینگ حربیلریگه تیارگرلیک آلیشلری حقیده بویروغ بیرگن.
ملی مدافعه وزیرلیگی گه کوره، پاکستان حربیلری بوندهی هجوملرنی تکرار قیلگن صورتده، افغانستان حربی کوچلری نینگ عکسالعمللریگه دوچ کیلیشی ممکن.
ایکی هفته آلدین ملی خوفسیزلیک کینگش مصلحتچیسی حمدالله محب، حکومتدارلیک و امنیتی وضعیت نی تیکشیریش اوچون کنر ولایتی گه سفر قیلیب و پاکستان حربیلری نینگ هجوملریده قربان بولگنلرنینگ عایله اعضالری بیلن اوچرهشگن ایدی.
پاکستان حربیلری کنر ولایت مرکزی و تومنلری اوستیگه نیچه موشک آتگنیدن کیین، ملی خوفسیزلیک کینگش مصلحتچیسی مذکور ولایت گه سفر قیلگن ایدی. مذکور حادثهده 8 تینچاهالی هلاک و باشقه 11 تینچاهالی یرهلنگن ایدی.
ملی خوفسیزلیک کینگش مصلحتچیسی کنر محلی رسمیلری و قربانیلر عایله اعضالری بیلن اوتکزگن اوچرهشووده، بوندن کیین افغانستان دشمن و اولرنینگ همکارلیک قیلهدیگن گروهلرگه جواب بیریشی ممکن دیگن ایدی.
