کابل شهری مکتبلری نینگ اوقووچیلری، اوقیتووچیلرنی مکتبلرگه قیتیشینی سورهیدی. اولر اوقیتووچیلرنی مکتبلرگه قیتیشینی تیلگه اوقووچیلرنی تقدیرسیزلیکدن قوتقریشینی ایستهیدیلر. نیچه کوندن بویان کابل شهری مکتبلری نینگ بیرقطار اوقیتووچیلری آیلیکلری کملیگی، درسی ساعتلر کوپلیگی و باش پناهلری یوقلیگی اوچون ایش تشلهگنلر.
بو ناراضیلیکلر جریانی باشقه ولایتلرگه ییتیشیب و ولایتلرنینگ بیرقطار اوقیتووچیلری درس بیریشدن وازکیچگن.
بیراق اوقووچیلرنینگ ایتیشیچه، اوقیتووچیلرنینگ ناراضیلیگی باعث شاگردلر درسدن قالگن.
بو اوقووچیلر ملی بیرلیک حکومتینینگ رهبرلریدن اوقیتووچیلر ایستهگینی انابتگه آلیب، بیرگن وعدهلرینی عملگه آشیریشینی سورهگن.
اوقووچیلرگه کوره، اوقیتووچیلرنینگ ناراضیلیگی دوام ایتگن حالده، اوقیش لایحهسی قیین چیلیککه روپهره بولهدی.
بیراق معارف وزیرلیگی رسمیلرینینگ ایتیشیچه، اولر قولیدهگی بار امکانیتدن، اوقیتووچیلرگه همکارلیک قیلهدی.
کابل شهرینینگ معارف ریاست باشلیغی سعید منصورنینگ ایتیشیچه، مالیه وزیرلیگی رسمیلریدن، اوقیتووچیلرنینگ آی لیگی کوپیتیریلیشینی سورهگن.
بیراق جناب منصورگه کوره، مالیه وزیرلیگی اوقیتووچیلر آی لیگینی کوپهیتیره آلمس لیگینی ایتکن.
عین حالده، اوقیتووچیلر، بیش مادهلیک بیر قطعنامه صادر قیلیب حکومت رهبرلریگه جونتگنلر.
اعتراض بیلدیرگن اوقیتووچیلرنینگ آگاه لنتیریشیچه، حکومت تامانیدن ایستکلریگه دقت قیلینمهگن صورتده، صنفلرگه حاضر بولمهی و ناراضیلیکلریگه دوام بیرهدیلر.
حاضرگه قدر حکومت بو توغریده هیچ نرسه دیمهگن.
