.JPG)
افغانستان سیک و هندو یشاوچی‌لریدن قطاری، غزنی مرکزی و تومن‌لریده یشه‌یدی کیم اولردن کوپینچه‌سی، دکان‌دارلیک و سنتی طب بیلن شغللنگن.
هندولر و سیک‌لرنینگ غزنی ولایتیده ۵ عبادتگاهی بار و شونینگدیک ایکینچیلیک ییرلر و یشش اوی‌لری هم بار کیم اولردن بیر بولیمی نی ساتیشگن.
اوتگن ییل‌لرده غزنی سیک‌لریگه تیگیشلی عبادتگاه ده سیک یشاوچی‌لریدن یوزلرچه‌سی مذهبی مراسم‌لرینی اوتکزیشه‌یدی، بیراق حاضر اولردن بیر قسمی بو عبادتگاه ده حضور تاپه‌دی. مملکتده ناتینچلیک کوپه‌یب و قویاش ۱۳۹۷- ییل ده غزنی شهری نینگ قطار منطقه‌لری طالبان نظارتی گه اوتگنیدن کیین، سیک و هندولردن کوپینچه‌سی بو ولایت نی ترک قیلیشدی.
سوربی سینک کوپ ییل‌لردن بویان غزنی شهریده یشه‌یدی، اونینگ مسلمان وطنداش‌لریدن آچیق و شیرین خاطره‌لری بار. اونگه کوره، نیچه ییل آلدین گچه بو ولایتده ۵۰۰ سیک حیات کیچیره‌دی ایدی، بیراق حاضر اولردن یالغیز ۱۰۰ ته‌سی قالگن.
اونینگ کوپه‌یتیریشیچه، سیک و هندولر اقتصادی قیینچیلیک و امنیت یوق‌لیگی باعث غزنی نی ترک قیلیشگن.
سوربی سینک کابل و جلال‌آباد شهرلریده سیک‌لرنینگ هجوم گه دوچ کیلیشی نی فاجعه دیب و جان و مال و عبادتگاه‌لری سقله‌نیشی حقیده حکومت نینگ توجه‌سینی سوره‌یدی.
.JPG)
غزنی شهری نینگ پارک‌لریگه هیچ قچان کوریلمه‌گن سیک ییگیت‌لری، مذکور عبادتگاه نینگ بیر چیککه‌سیده نان پیشیریش بیلن شغللنماقده. بیربیراولری بیلن قصه قیلیب کولیشه‌دی، بیراق یوره‌کلریده آغیر بیر درد کورینه‌دی.
مذکور ییگیت‌لردن بیری رجبید سینک نینگ ایتیشیچه، افغانستان ده تحصیل قیلیب ایش و تینچ بیر حیات گه ایریشیش اونینگ ایسته‌ک و آرزولریدن بیری ایکن، بیراق او بو آرزولریدن هیچ بیریسی گه ییتیشمه‌گن.
اونگه کوره، ناتینچلیک دوام تاپگن صورتده، کوز یاشی و ایستمه‌گن یوره‌ک بیلن افغانستان ده نیچه مینگ ییل‌لیک حضورلریگه سونگ نقطه قوییش گه زورلنه‌دیلر.
شونینگدیک سیک و هندولرنینگ باله‌لری هم تبعیض نینگ اَچیق مزه‌سینی تاتگن، کوچه و بازارلرده آزار و اذیت بولیب و نهایتده بعضن حقارت قیلیش و زوروانلیک‌که هم شاهد بولگنلر.
ایتیش کیره‌ک کیم مملکت سیک و هندو یشاوچی‌لری کابل شهری نینگ بیرینچی ناحیه‌سیده جایلشگن شوربازار کوچه‌سیده‌گی عبادتگاهی هجوم گه دوچ کیلگنیدن کیین، هند ایلچی خانه‌سیگه بیر نامه یوباریش بیلن افغانستان نی تیزلیککه ترک قیلیش‌لرینی سوره‌شگن.
مذکور هجوم قویاش جاری ییل نینگ حمل آیی ده سیک‌لرنینگ عبادتگاه‌لریده اویوشتیریلدی کیم کورینیشچه، داعش گروهی هجوم مسئولیتی نی بوینیگه آلدی.
مملکت سیک یشاوچی‌لریدن کمیده ۷۰۰ ته‌سی اوشبو نامه نی یوباریش بیلن بو مملکتده باشقه یشه آلمه‌سلیک‌لرینی بیلدیریشگن.
