قندهار امنیتی مسووللری نینگ ایتیشیچه، اوشبو ولایت نینگ پنجوایی تومنیده جاده چیکهسیده جایلشتیریلگن ماین نینگ پارتلشی عاقبتیده محلی پولیس قومندانلریدن بولمیش غمیآغا نینگ عایله اعضاسیدن 5 تهسی هلاک ایتیلگن.
اوشبو واقعه بوگون "پنجشنبه" قندهار ولایتی نینگ پنجوایی تومنیده محلی پولیس اوشبو قومندانی نینگ موترینی جاده چیکهسیده جایلشتیریلگن ماین بیلن دوچ کیلگنی سبب، یوز بیرگن.
قندهار پولیس قومندانلیگی سوزلاوچیسی جمالناصر بارکزی نینگ سلاموطندارگه ایتیشیچه، اوشبو واقعهده غمیآغا نینگ آتهسی، آنهسی، ایکی سینگیلی و بیر قیزی جان بیرگن و باشقه 6 باله یرهلنگن.
جناب بارکزیگه کوره، محلی پولیس اوشبو قومندانی، عایله اعضاسی بیلن نامزدلیک بیر محفلده اشتراک قیلیش اوچون پنجایی تومنی نینگ "زلخان" منطقهسیگه بارماقده ایکن.
جمهورلیک ریاستی بیر خبرنامه آرقهلی اوشبو واقعهنی قارهلگن.
جمهورلیک ریاستی تامانیدن نشر قیلینگن خبرنامهده ایتیلیشیچه، طالبان تامانیدن جاده چیکهسیده جایلشتیریلگن ماین نینگ پارتلشی عاقبتیده، بیرقطار تینچ اهالی هلاک و یرهلنگن.
طالبان گروهی حاضرگهقدر بوتوغریده فکر بیلدیرمهگن.
