فاریاب ولایتی المار تومنینینگ باشلیغی محمدصالح صالحنینگ سلاموطندارگه ایتیشیچه، طالبلر ولایتده فیضالله و ضیاءالحق ناملی ایکی کیشینی سویگن.
جناب صالحگه کوره، بو کیشیلر فاریاب ولایتی میمنه و پشتونکوت تومنلرینینگ تینچ اهالیسی بولگن ایکن. اولردن بیری اوتکن هفته و باشقه بیری ایکی آی آلدین جنگری طالبلر آرقهلی اوغیرلنگن ایدی.
جناب صالحنینگ کوپهیتیریشیچه، مذکور ایکی کیشینینگ جانسیز تنهسی یکشنبه کونی ایرتهلب ثور آیینینگ 20 سیده المار تومنیگه تیگیشلی کیجم منطقهسیدن تاپیلگن.
شونینگدیک فاریاب امنیه قومندانلیگی مذکور ایکی شخص باشی کیسیلگنینی تائید قیلگن.
فاریاب ولایتی کسلخانه مسووللرینینگ ایتیشیچه، مذکور شخصلر باشسیز تنهسی یکشنبه کونی توشده اوشبو کسلخانهده کیلتیریلگن.
حاضرگه قدر جنگری طالبلر بو توغری سیده بیر نرسه دیمهگن.
