۵ آیدن بویان قندوز – تخار قتناو یولی طالبلرنینگ تهدیدی آستیده قرار تاپگن و بو گروه قندوز شهری یقیینلیگیدهگی لویدن و ملرغی منطقهسیده دایمی چک پاینت ایجاد قیلگن.
عین حالده بیر هفتهدن بویان مذکور گروه نینگ هجومی باعث بو قتناو یول ایکی ولایت نینگ یولاوچیلری یوزیگه باغلنگن و شونینگدیک امنیتی کوچلرنینگ پوستهلری طالبلرنینگ قمرویده قرار تاپگن.
قندوز ولایتی کینگش اعضالری بو وضعیتدن خواطر بیلدیریب ایتیشلریچه، ۴ کوندن بویان آتیشمه باعث بو قتناو یول باغلیق دیر.
قندو ولایتی کینگش اعضاسی امرالدین ولی نینگ سلام وطندارگه ایتیشیچه، اوشبو قتناو یولده قرار تاپگن اردو کوچلری نینگ ۴ پوستهسی طالبلرنینگ قمرویگه دیر و شو یوزهدن بو قتناو یول یاپیق دیر.
اونگه کوره، محلی حکومت قتناو یول وضعیتی یخشیلنیشی اوچون حاضرگچه هیچ بیر ایش قیلمهگن.
شونینگدیک قندوز ولایتی یشاوچیسی میر احمد نینگ ایتیشچه، ایکی ولایت نی وصل قیلهدیگن قتناو یول نینگ باغلیق قالیشی کوپینچه قیینچیلیکلر چیقارگن.
بیراق قندوز حاکمی سوزلاوچیسی عصمتالله مرادی نینگ ایتیشیچه، قندوز تخار قتناو یولی طالبان گروهی نینگ تهدیدی و هجومی باعث موقتی باغلنگن و حکومت بو یول نی قیتهدن یولاوچیلرنینگ یوزیگه آچیش اوچون سعی و حرکت قیلماقده.
قندوز یشاوچیلری و ولایتی کینگش اعضالری بوندهی خواطرلرنی بیان قیلگن بیرحالده، نیچه کیچه آلدین طالبان امنیتی کوچلرنینگ بیر پوستهسی اوستیگه اویوشتیرگن گروهی هجومیده امنیتی کوچلردن ۱۵ تهسی هلاک و یرهلنگن.
