مملکت ایریم ولایتلرینینگ یشاووچیلری جمعه کونی کابلده صادر ایتیلگن پارتلشده یرهلنگنلر کونگلینی کوتاریب اوچون قان بیردیلر. اوتگن کون کابلده یوز بیرگن پارتلش همده خودکش هجوم نتیجهسیده اونلب کیشی حیاتدن کوز یومیب یوزلب انسان تن جراحتی آلگن ایدی.
نمایندهلر مجلسینینگ اعضالری، مدنی جماعهچیلیک فعاللری مذکور هجومنی قارهلب، یرهلنگنلر کونگلینی کوتاریش اوچون قان بیرگنلر.
کابل خدمتگذاران ادارهسی نینگ مسؤولی بشیر بیژنگه کوره، سمبولیک بیر حرکت اساسیده قان بیریب، اوز بیرلیک و بیردملیک لرینی معلوم قیلگنلر.
اونینگ ایتیشیچه، مذکور تدبیربیلن جنگریلرگه قرشی اوز نفرتلرینی بیلدیرگنلر. شونینگدیک هرات محلی بلند مرتبهلی رسمیلری، مدنی جماعهچیلیک فعاللری و اهالی قان بیریش کمپاینینی یولگه تشلب کابل واقعهسی قربانلریگه قان بیرگنلر.
مذکور کمپاینده هرات ولایتینینگ 160 یشاووچیسی اشتراک قیلیب، 75مینگ سیسی قان یققنلر. هرات ولایت والیسی محمد آصف رحیمی کابلده صادر ایتیلگن هجوم قارهلنگندن تشقری، هرات اهالیسیدن گناهسیز یرهلنگنلرگه قان بیریشلرینی سورهگن.
شونینگدیک بغلان ولایتیده اهالی اوتگن کون کابلده روی بیرگن حادثهنی قارهلب یرهلنگنلرگه قان بیرگنلر.
بغلان مدنی جماعهچیلیک ادارهسینینگ مسؤولی عاطف عارفیانگه کوره، مذکورولایتنینگ اهالیسی یرهلنگنلرگه قان بیریش بیلن اوز حمایتلرینی اعلان قیلگنلر. شونینگدیک جمهور رییس همده اجراییه باشلیغی ساغلیقنی سقلش وزیرلیگیدن یرهلنگنلر دوالهنیشی اوچون برچه امکانیتلردن فایدهلهنیشنی سورهگنلر.
ایچکی ایشلر وزیرلیگی: اوچ آلهمیز
افغانستان ایچکی ایشلر زویرلیگی کابلده یوز بیرگن حادثهنی قارهلب، کابللیکلر، پولیس و گناهسیز تینچ اهالینینگ قانینی توککن ترورچیلردن اوچ آلهمیز دیگن.
اوتگن آقشام ساعت 7:30ده بیر خودکش هجومی بدنیده اورنه تیلگن پارتلاووچی مادهنی افشارده جایلشگن پولیس مرکزی کیریش ایشیگیده تینچ اهالی، مراجعینلر همده پولیس محصللری ایچیده پارتلهتیب یوباردی. حادثه ده 27 انسان قربان بولیب باشقه 30 نفر تن جراحتی آلگن.
ایچکی ایشلر وزیرلیگی بیر خبرنامه ترقهتیب، افغانستان دشمنلری یوز – یوز اوروش قیلیش قالبیتینی قولدن بیریب، خودکش هجوملرنی صادر قیلیش بیلن گناهسیز خلقنی اولدیرهدیلر.
شونینگدیک ایچکی ایشلر وزیرلیگی، باشقه بیر واقعهده قوراللی شخصلر کیچه ساعت 10 ده کابل شهرینینگ اونبیشینچی ناحیهسیده جایلشگن قصبه منطقهسیده هجوم اویوشتیرگنلر دیگن.
وزیرلیک، قوراللنگن هجومچیلر مذکور منطقهده خارجی کوچلرگه تیگیشلی بیر مرکزنی هجومگه توتگنلیکلرینی بیللی قیلگن. ایچکی ایشلر وزیرلیگینینگ خبرنامهسیده، هجومچی دستلب پارتلاووچی ماده گه تولدیریلگن موترنی پارتلهتیب سونگ اوچ کیشی ایچکری کیریب الیب ملی کوچلر بیلن توقنشگنلر. ایتلیشیچه، هجومچیلر ملی کوچلر طرفریدن نابود ایتیلگن. حادثهده برچه هجومچیلر داخل مذکور مرکزنینگ اون قوریقچیسی اولدیریلگن.
منتقدلر: سونگی هجوملرگه هماهنگ سیزلیک سبب بولگن
اوتگن کون مملکت پایتخی کابلده آلدین – کیین علمگه آشیریلگن هجوم بلند مرتبهلی رسمیلر همده اهالینینگ جدی تنقیدیگه سبب بولدی.
نمایندهلر مجلسینینگ بیرینچی اورین باسری ظاهر قدیر، حربی کوچلر باشلیغلری اورتهسیده هماهنگلیک بولمهگنی سبب، موترلرگه تولدیریگن پارتلاووچی مادهلر کابل گه آلیب کیلینهدی دیگن.
باشقه تامدن مدنی جماعهچیلیک فعالی همده کابل بیلیم یورت نینگ استادی حمیرا قادری، امنیت اوچون اجره تیلگن بودجه عالی تحصیلات درگاهلری بودجهسیدن کوپ دیر، اما خوفسیزلیک ادارهلرنینگ بی فرق لیگی اهالینی مایوس ایتهدی.
عین حالده، حادثه ییرینی یقیندن کوزهتگن افغانستان جمهور رییسی غنی، کابلده صادر ایتیلگن حادثهلر اوچون مخصوص ییغین اوتکزیلیشینی تیلگه آلگن.
قوراللی طالبلر فقط کابل حربی مرکزیده صادر ایتیلگن هجوم مسؤولیتینی اوز ذمهسیگه آلگن، باشقه ایکی هجومنی بیررا گروه هنوزگچه اوز بوینیگه آلمه گن.
