افغانستان بوییچه انسان حقوقی ایرکین کمیسیونی نینگ ایتیشیچه، هدف‌لی هجوم‌لر مملکت‌ده جاری بولگن قانلی اوروش تاکتیک‌لریدن دیر و سونگی کونلرده هدف‌لی هجوم‌لر سبب، تلفات رقمی یوقاری کیتگن.
ناتینچلیک کوپه‌یشی و تینچ اهالی نینگ هدف آستیگه قرار بیریلگنی باعث، انسان حقوقی ایرکین کمیسیونی نینگ بیر اعلامیه آرقه‌لی ایتیشیچه، بونده‌ی هجوم‌لرده تینچ اهالی‌نی سقلش خصوصیده خلق ارا انسان حقوقی نینگ سندی نظر‌گه توتیلمه‌یدی.
انسان حقوقی ایرکین کمیسیونی نینگ ایتیشیچه، سونگی هدف‌لی هجوم‌لر خصوصیده «مستند» توزه‌تیله‌دی.
اوشبو کمیسیون، افغانستان دولتی‌دن بونده‌ی هجوم‌لر عامل‌لرینی تانیب و اولر خصوصیده عدالت‌نی تامین قیلیشی‌نی سوره‌گن.
سونگی آی‌لرده مملکت باشکنتی و بیرقطار ولایت‌لریده هدف‌لی هجوم‌لر کوپه‌یگن و مذکور هجوم‌لرده کوپ قطار تینچ اهالی هلاک و یره‌لنگن‌لر.
