ساغلیک وزیرلیگی نینگ معلوماتی اساسیده، اوتگن 24 ساعتده مملکتده کرونا ویروسی گه شبههلی 893 واقعه تیکشیریلگن کیم، بولردن 346 تهسی ایجابی انیقلنگن.
بوگون (جمعه 30- جوزا) مذکور وزیرلیک عامه علاقهلر مسئولی سعیدالدین جامی کرونا ویروس گه چلینگنلرنینگ کوندهلیک رقمی نی ترقهتیش بیلن ایتیشیچه، مملکتده کرونا ویروسی گه چلینگنلر رقمی 27 مینگ و 878 کیشی گه ییتیشگن.
اونگه کوره، اوتگن بیر کیچه-کوندوز ده 231 کیشی کابل، 25 کیشی قندهار، 25 کیشی پکتیا، 19 کیشی بامیان، 13 کیشی نیمروز، 9 کیشی هلمند، 6 کیشی قندوز، 6 کیشی ارزگان، 5 کیشی تخار، 4 کیشی زابل، 2 کیشی نورستان و باشقه 1 کیشی ایسه ننگرهار ده کرونا ویروس گه چلینگن.
جامی نینگ کوپهیتیریشیچه، اوتگن بیر کیچه – کوندوز ده کرونا ویروسی گه چلینگن 2 کیشی جان بیرگن کیم بو رقم بیلن مملکتده کرونا ویروسی باعث هلاک بولگنلر سانی 548 کیشی گه ییتیشگن. شونینگدیک اوتگن 24 ساعتده کرونا گه چلینگن 302 کیشی دارولنگن کیم بو رقم بیلن دارولنگنلر سانی 7 مینگ و 962 کیشی گه ییتیشگن.
شونینگدیک دنیا ده حاضرگچه 8 میلیون و 578 مینگدن آرتیق کیشی کرونا ویروس گه چلینگن کیم بولردن 456 مینگدن آرتیغی هلاک و باشقه 4 میلیون و 530 مینگدن آرتیغی ایسه دارولنگن.
