209 شاهین و 217 پامیر قول اردو قومندانلیگی مسوول‌لری نینگ ایتیش‌لریچه، بلخ، فاریاب، جوزجان، سرپل و قندوز ولایت‌لریده طالبان جنگریلریدن کمیده 90 ته‌سی هلاک ایتیلگن.
بوگون "جمعه" 209 شاهین قول اردو قومندانلیگی نینگ بیر خبرنامه آرقه‌لی اعلان قیلیشیچه، بلخ، فاریاب، جوزجان و سرپل ولایت‌لریده طالبان جنگریلریدن 52 ته‌سی هلاک و باشقه 26 ته‌سی یره‌لنگن.
209 شاهین قول اردو قومندانلیگی‌گه کوره، امنیتی کوچلر و طالبان آره‌سیده یوز بیرگن آتیشمه‌لر عاقبتیده، طالبان قومندان‌لریدن بولمیش عبدالفتاح اوقافی و ملا کریم هلاک ایتیلگن.
خبرنامه‌ده ایتیلیشیچه، مذکور آتیشمه‌لر فاریاب ولایتی نینگ خواجه سبزپوش تومنی، سرپل ولایتی نینگ صیاد و سانچارک تومنی، جوزجان ولایتی نینگ آقچه و فیض‌آباد تومنی و بلخ ولایتی نینگ شولگره تومنیده یوز بیرگن.
خبرنامه‌ده کوپه‌یتیریلیشیچه، فاریاب ولایتی نینگ خواجه‌سبزپوش تومنی و بلخ ولایتی نینگ شولگره تومنیده بیرقطار منطقه‌لر طالبان وجودیدن تازه‌لنیب و شونینگدیک، طالبان گروهی تیگیشلی بولگن بیرقطار حربی تجهیزات امنیتی کوچلر قولیگه توشگن.
شونینگدیک، 217 پامیر قول اردو قومندانلیگی نینگ بیر خبرنامه آرقه‌لی اعلان قیلیشیچه، امنیتی کوچلر و طالبان جنگریلری آره‌سیده یوز بیرگن آتیشمه‌لر عاقبتیده، طالبان بیرقطار قومندانلری شامل 38 جنگری‌سی هلاک و باشقه 16 اعضاسی یره‌لنگن.
217 پامیر قول اردو قومندانلیگی نینگ اعلان قیلیشیچه، طالبان جنگریلری نیچه کوندن بویان قندوز-خان‌آباد قتناو یولیده قورالی هجوم اویوشتیرگن ایدی.
مذکور خبرنامه‌ده ایتیلیشیچه، امنیتی کوچلر تامانیدن یولگه قوییلگن عملیات عاقبتیده، طالبان تامانیدن جایلشتیریلگن 12 حلقه ماین بیکار قیلینگن.
طالبان گروهی حاضرگه‌قدر بوتوغریده معلومات بیرمه‌گن.
عین‌حالده، مملکت جنوبی‌ده جایلشگن 205 اتل قول اردو قومندانلیگی مسوول‌لری نینگ سلام‌وطندارگه ایتیشیچه، اوتگن کیچه ارزگان ولایت نینگ چهارچینو و خاص ارزگان تومن‌لریده امنیتی کوچلر و طالبان آره‌سیده یوز بیرگن آتیشمه‌لر عاقبتیده طالبان جنگریلریدن کمیده 24 ته‌سی هلاک و باشقه 5 ته‌سی یره‌لنگن.
205 اتل قول اردو قومندانلیگی مسووللری‌گه کوره، مذکور آتیشمه‌لردن امنیتی کوچلر تلفات کورمه‌گن.
