لوگر محلی مسئوللری بو ولایت نینگ بره‌کی‌برک تومن ولسوالی نینگ اویی طالبان هجومی گه دوچ کیلگنیدن خبر بیریشگن. لوگر حاکمی سوزلاوچیسی دیداراحمد لونگ بو خبرنی تصدیق‌لب ایتیشیچه، طالبان اوتگن کیچه (دوشنبه ۲۴- سنبله) محمدآغه تومنی نینگ «گمران» قیشلاغیده جایلشگن بره‌کی‌برک تومن ولسوالی نینگ اویی گه هجوم قیلگن.
لونگ گه کوره، بو هجوم‌ده عبدالرحیم‌زی نینگ بیر ایناغه‌سی و بیر قوروقچیسی هلاک و باشقه بیر ایناغه‌سی ایسه یره‌لنگن.
لوگر حاکمی سوزلاوچیسی نینگ ایتیشیچه، بره‌کی‌برک تومن ولسوالی هجوم چاغیده اویی ده ایمس ایکن.
طالبان حاضرگچه بو حقده فکر بیلدیرمه‌گن.
ایتیش کیره‌ک کیم طالبان اوچ کون آلدین لوگر مرکزی پل‌علم شهریده مردمی کوچلرنینگ بیر پوسته‌سی اوستیگه هجوم قیلیب، مذکور کوچلردن ۱۳ ته‌سی نینگ باشینی کیسیب و باشقه ۳ ته‌سینی اوزلری بیلن آلیب کیتگن ایدی.
