حکومت‌گه قرشی «افغانستان خلقی محور» ناملی سیاسی جریان بوگون (یکشنبه) موجودلیگینی اعلان قیلدی. بو سیاسی جریان نینگ کوپینچه اعضالری سابق حکومت نینگ بلند مرتبه‌لی اعضالریدن عبارت.
اوشبو سیاسی جریان «اساسی قانونگه قیتیش و سیاسی مشروعیت‌نی قیته تیکلش» شعاری بیلن موجودلیگینی اعلان قیلدی.
ملی بیرلیک حکومت قیلمیشینی تنقید قیلگن جبهه نینگ اعضالری، اوشبو سیاسی جریاننی اساسی قانونگه قیتیش، سیاسی مشروعیت‌نی بنیاد ایتیش و حاضرگی بحراندن چیقیش اوچون فعالیت قیله دی دیگنلر.
ملی امنیت اداره‌سی نینگ سابق باشلیغی همده افغانستان خلقی محور جبهه سی نینگ مسوولی رحمت الله نبیل، حاضرگی حکومت اهالیدن رای بیریش صلاحیتینی آلیب نا قانونی حکومت‌گه دوام بیریش اوچون حرکت قیله‌دی دیگن.
جناب نبیل، اوشبو سیاسی جریاننی ایجاد قیلیش دن نییت ملی مستقللیک، ییر بوتونلیگی، اساسی قانون، حاضرگی سیاسی بحراندن چقیش، اجتماعی عدالت تامین بولیش، قانون حاکمیتی، یخشی حکومتچیلیک و انسان حقوقلری تامین بولیب سقله‌ش دیر.
نبیل، حکومت‌دن امتیاز آلیش نیتده ایمس ایکن لیکلرینی تیلگه آلگن. هر قنده‌ی عدالت سیزلیککه قرشی کوره‌شه‌میز دیگن جناب نبیل.
افغانستان سابق حکومتی نینگ ملی خوفسیزلیک کینگشی نینگ مصلحتچیسی داکتر رنگین دادفر سپنتا حکومت نینگ تشقی سیاستلرینی جدی تنقید آسیتگه آلگن. ملی بیرلیک حکومتی نینگ ناکارا تشقی سیاستی نتیجه‌سیده دنیا جماعه چیلیگی ترورچیلیککه قرشی کوره‌ش‌د‌‌ه ناکام قالدی دیگن او.
جناب سپنتانینگ نینگ سوزلریگه کوره، حکومت نینگ خطالری باعث پاکستان قوراللی طالبلرنی سوء استعمال قیلیب مملکت غربیده کون ساین کوچلنماقده.
صناعت و تجارت اتاقی نینگ خلق ارا بولیم باشلیغی آذرخش حافظی، حکومت نینگ اقتصاد بولیمیده گی ایشلری قانیقرلی ایمس دیگن.
بو توغریده جمهور رییس لیک سرایی فکرینی اورگه‌نیش اوچون آلیب بارگن سعی وحرکتی‌میز نتیجه بیرمه‌دی.
