هلمند ده ایشیتووچی و کورووچی ۱۵ (۱۱ رادیو و ۴ تیلویزون) میدیاسی بار، لیکن شو سونگیدن بیر تیلویزیون افلاس کارلیککه یولیققن و باشقه ۳ تیلویزیون ایسه ایشلاوچیلرینی ایشدن آلگن.
ولایت میدیاچیلرینینگ ایتیشیچه، هلمند ولایتیده برچه تهدیدلرنی قبول قیلیب ۴ ییل خبرچیلیک قیلگنلر؛ بیراق نهایتده اقتصادی قیینچیلیکلر سبب ایشدن آلینگنلر.
رسانهچیلردن عبدالولی توحیدنینگ ایتیشیچه، رسانهلر اوچون تجاری اعلانات اولرنینگ ایشلری دوام ایتیش سببچیسی ایکن، بیراق سوداگرلیک ایشلر آزهیشی بیلن اولرنینگ فعالیتی توختهلگن.
هلمند خبرچیلری اتحادیهسینینگ مسؤولی شکرالله شاکری هلمند رسانهلرینینگ ایشدن چیقاریش اصلی علتی اقتصادی قیینچیلیک بیلهدی و ولایت رسانهچیلریدن ۵۰ فایزی ایشسیز قالگن دیگن.
جناب شاکرینینگ کوپهیتیریشیچه، تشقی نهادلر ولایتدن کیتیشی و اخبارات و مدنیت وزیرلیگی نینگ دقت قیلمه گنی سبب رسانهلر اقتصادی قیینچیلیک بیلن روپهره بولگن.
هلمند ولایتینینگ اخبارات و مدنیت ریاستی باشلیغی فریداحمد فرهنگ هم رسانهلرنینگ اقتصادی قیینچیلیکلرینی قبول قیلهدی و ایتیشیچه، مرکزی حکومت یاردمیده معمانی حل ایتیش بارهسیده تلاش قیلماقده.
میلادی ۲۰۱۴ دن مملکتدن تشقی کوچلرنی چیقیشی و هلمند ولایتیده ناتینچلیکلر کوپهیشی سبب ولایت یشاوچیلری و نهادلر اقتصادی قیینچیلیکلر بیلن روپهره بولگن.