قیزیل آی رسمیلری‌نینگ بوگون (دوشبنه) کابلده خبری انجمن آلیب، هجری قویاش ۱۳۸۸ دن حاضرگه قدر یوره‌ک تیشیگ کسل‌لیگی‌گه چلینگن باله‌لردن ۱۲ مینگ ته‌سی رویخط‌گه آلینیب بولردن ۵۷۰۰ ته‌سی مداوا بولگن ایدی دیگنلر.
افغانستان قیزیل آی اداره‌سی‌نینگ سکرترجنرالی خانم نیلاب مبارزنینگ ایتیشیچه، حاضر هم رویخط‌گه آلینگن باله‌لردن ۶۳۰۰ ته‌سی نوبت و بودجه یوقلیگی سبب قالگن و بولردن جاری ییل اداغی‌گه قدر ۳۰ فایزی جان بیریشی ممکن.
خانم مبارزنینگ ایتیشیچه، جاری ییل باشله‌نیشیدن حاضرگه قدر ۴۶۶ یوره‌ک تیشیگ کسل‌لیگی‌گه چلینگن باله مداوا قیلینگن، بیراق اونگه کوره بیرییلده بو رقم قانیقرلی ایمس.
خانم مبارزنینگ کوپه‌یتریشیچه، ایچکی و تشقی کسل‌خانه‌لرده بو باله‌لردن ۱۰۷ کیشینی مداوا قیلیش اوچون یوباریشده ۳۲۱ مینگ اقش دالری هزینه کیره‌ک.
افغانستان قیزیل آی اداره‌سی‌نینگ رسمیلری حکومت و سوداگرلردن باله‌لر جانینی قوتقریش اوچون مذکور اداره بیلن مادی همکار بولیشلرینی ایسته‌یدی.
