جمهور رییس غنی کابللیکلردن پایتخت امنیتی تامین بولیشی اوچون آلتی آی مهلت سورهدی.
بوگون نظارت و انسجام ییغینی نینگ ییگیرمنچی مجلسیده اشتراک قیلگن جمهور رییس غنی پایخت امنیتی تامین بولیشی اوچون حکومت نظارت درجهسینی شهرده آشیرهدی دیگن. جمهور رییس غنی، مدافعه همده ایچکی ایشلر وزیرلیگیگه اصلاحات کیریتیلیشی یانیده پایتخت کابلده ایشسیزلیک میزانینی کم قیلیش نیتده شاشیلینچ ایش شرایطی مهیا قیلینهدی دیدی.
ییغینده حکومتنی حددن تشقری مرکزلشتیریلگن لیگی بارهسیده اشاره قیلگن جمهور رییس غنی، یخشی امنیت تامین ایتیلیشی، عقل و محلی بیلیم ضرورتینی انگلهگن حالده حکومتچیلیک نینگ تیزیمیگه اوزگریش کیلتیریلهدی دیگن.
جمهور رییس غنی صحبتلرینینگ جریانیده مملکتده قومی ناراضیلیکلر کوتیلمهگن درجهده آشگن اوستیده هم توختلگن.
شونینگیدک جمهور رییس غنی، مملکت خلقی اشتراکیده مذاکره و ییغین اوتکزیش بیلن افغانستان قطبی بولیش آلدینی آلهمن دیگن.
موافقلشتیریش نظارت ییگیرمنچی مجلسی افغانستان مالیه وزیرلیگی نینگ میزبانلیگده بیرلشگن ملتلرتشکیلاتی نینگ کابلدهگی وکالتخانهسیده بولیب اوتدی. ییغینده کابینه اعضالری داخل، حکومت رسمیلری همده تشقی مملکتلر دیپلوماتلری اشتراک قیلگن ایدی.
