قطر باشکینتی دوحه شهریده آمریکا و طالبان گروهی نینگ نمایندهلری آرهسیده یولگه قوییلگن تینچلیک سوزلشوولرینی بیشینچی دوری 15- کون گه اوتدی.
اوشبو ییغین جزئیاتی رسمی شکلده اعلان ایتیلمهگن؛ بیراق طالبان گروهی گه یقین بیر منبع نینگ ایتیشیچه، ایکی تامانیدن آرهسیده یولگه قوییلگن تینچلیک سوزلشوولری جزئیات گه کیرگن و ایکی تامانیدن تینچلیک کیلیشوونامهده هیچقندهی ناانیقلیک قالمهسی توغریسیده سعی و حرکت قیلهدیلر.
منبع گه کوره، سوزلشوولرنی بو دوریده آمریکا قوشمه ایالتلری و طالبان گروهی نینگ نمایندهلری، افغانستاندن تشقی کوچلرینینگ چیقیش قاعدهسی و افغانستانده ینه-ده تروریستلرنی اویهسیگه اوزگرمهسی خصوصیده کیلیشگنلر.
منبع نینگ کوپهیتیریشیچه، طالبان گروهی افغانستان دولتی و آمریکا آرهسیده خوفسیزلیک شرطنامهسی و شونینگدیک، آتیشکیسین موضوعلری خصوصیده صحبت قیلگن.
طالبان گروهی گه یقین منبع نینگ ایتیشیچه، آمریکا و طالبان گروهی نینگ نمایندهلرینی اوتگن کونگی ییغینی دوشنبه دن سهشنبه گه اوتر کیچه ساعت 9 گچه دوام ایتگن و تینچلیک سوزلشوولری یولگه قوییلگن محلده قطرنینگ بلند مرتبهلی رسمیلری طالبان بیلن صحبت قیلهدیگن چاغلریده کورینگن.
شو توغریده…
تینچلیک جریانیدهگی ناانیقلیک و تروریستلر بیلن پاکستان علاقهسی آچیقلهنیشی کیرهک
تینچلیک سوزلشوولری؛ تفصیلاتلر اوستیگه مذاکره دوام ایتماقده
تینچلیک سوزلشوولری؛ طالبان گروهی تشقی کوچلر 6 آیده چیقیشینی ایستهگن
آمریکا و طالبان گروهی آرهسیده بولگن تینچلیک سوزلشوولر توختهتیلدی
عین حالده، قطرنینگ دوحه شهریدهگی خبرچیلردن بیرقطاری نینگ ایتیشیچه، آمریکا و طالبان گروهی آرهسیده یولگه قوییلگن تینچلیک سوزلشوولری بوگون یکونلنیشی گه قرار قیلینگن و یقین آرهده قیتهدن باشلنهدی.
دوحه شهریده یولگه قوییلگن تینچلیک ییغینیده حاضر منبع دن نقل قیلیب خبرچیلرنینگ ایتیشیچه، بو دور سوزلشوولر هیچ قندهی ایجابی نتیجه کورینمهگن.
آمریکا و طالبان گروهی نینگ نمایندهلری آرهسیده تینچلیک سوزلشوولری دوام قیلیب تورگن بیرچاغده، ملی بیرلیک حکومتی نینگ رسمیلری بو سوزلشوولرگه نسبتن خواطر بیلدیرگنلر.
