.jpg)
ننگرهار ولایتی هسکهمینه تومنی نینگ قطار یشاووچیلری حکومت ایسته گی اساسیده یشش اوی جایلرینی ترک قیلگن لیکلرینی ایته دیلر. بولر حاضر یامان بیر وضعیت ده حیات کیچیرماقده.
یشش اوی جایی دن آواره بولگنلر نینگ سوزلریگه کوره، هییت دن آلدین منطقه لریده حربی تازه لش عملیات باشله نیشی سبب اوی جایلرینی ترک قیلگنلر. لیکن هنوزگچه هم منطقه لریده عملیات اوتکزیلمه گن.
آواره لردن بیری عبدالرحیم نینگ سلام وطندارگه ایتیشیچه، 400 عایله هسکه مینه تومنی دن آواره بولگن. مذکور خانه دانلرنینگ کته قسمی مکتبلر، کلینکلر و شفاخانه لرده استقامت قیله دیلر. ایتلیشیچه، بولرگه هنوزگچه حکومت دییرلی همکارلیک قیلمه گن.
آواره لردن ینه بیر محمد نینگ سوزلریگه قره گنده، آچیق فضاده حیات کیچیره دیلر. تازه ایچیملیک سوو همده آوزق آوقت یوق دیدی مذکور آواره عایله نینگ کیشیسی.
بولر هنوزگچه حکومت همده نا دولت تشکلاتلر آرقه لی هیچ قنده ی یاردم قولگه کیریتمه گن میز دیدیلر.
ولایت والیسی نینگ سوزلاوچیسی عطاالله خوگیانی، هسکه مینه تومنیده حربی تازه لش عملیات جریانی بار دیدی. آواره بولگن خلق یقین آره ده اوز منطقه لریگه قیتریله دیلر دیگن ولایت والیسی نینگ سوزلاوچیسی.
اونینگ سولریگه کوره، ولایت مهاجرلر ایشلر بیلن مشغول اداره، آواره بولگن خانه دانلرگه همکارلیک قیلگن.
