.jpg)
بوگون «پنج‌شنبه» سیلاولر ایرکین کمیسیونی، پارلمانی سیلاو یولگه قوییلیشی اوچون کیله‌جک 1397- ییل 16- سرطان‌نی تعیین قیلدی.
شو مناسبت‌ده یولگه قوییلگن ییغینده مذکور کمیسیون باشلیغی نجیب‌الله احمدزی‌نینگ ایتیشیچه، ایریم تشکیلات‌لر بیلن بحث قیلیب و مصلحت آلگن‌لریدن سونگ مملکت‌نینگ حاضرگی وضعیتی‌نی نظرگه آلیب بو تأریخ نی تعیین قیلگن‌لر.
جناب احمدزی‌نینگ اورغولشیچه، کیله‌جک سیلاوده اره‌لشیش اوچون هیچ کیم گه رخصت بیرمه‌یدیلر.
شونینگ‌دیک، بوگون کیچ قورون کابل‌ده یولگه قوییلگن بیر ییغینده حکومت پارلمان سیلاوی یولگه قوییلیشی خصوصیده تیارگرلیک آلینگنینی معلوم قیلدی.
.jpg)
جمهورلیک ریاستی مطبوعات دفتری سرپرستی شاه‌حسین مرتضوی‌نینگ ایتیشیچه، حکومت سیلاولر ایرکین کمیسیونی تامانیدن سیلاو یولگه قوییلیش زمانی اعلان ایتیلیشی‌دن حمایه قیله‌دی.
جناب مرتضوی‌گه کوره، حکومت نماینده‌لر کینگشی و تومن‌لر کینگشی سیلاولری یولگه قوییلیشی خصوصیده تیارگرلیک آلگن و بو سیلاولر تونیقلیک‌ده یولگه قوییلیشی توغریسیده سعی و حرکت قیله‌دی.
جمهورلیک ریاستی مطبوعات دفتری سرپرستی‌نینگ کوپه‌یتیریشیچه، جمهور رییس مدنی فعال‌لر و سیاسی حزب‌لر بیلن اوچره‌گنی‌ده اولردن کیله‌جک سیلاوده کینگ شکلده قتنه‌شیش‌لری و بو سیلاو تونیق شکلده اوتکزیلیشی خصوصیده سهم آلیش‌لرینی سوره‌گن.
افغانستان اساسی قانونی‌گه کوره، پارلمان و تومن‌لر کینگشی سیلاولری هر بیش ییل‌دن سونگ یولگه قوییله‌دی، بیراق بو سیلاو ایریم قیین‌چیلیک‌لر سبب 1394- ییل یولگه قوییلمه‌دی و اوچ ییل‌دن بویان جمهور رییس‌نینگ فرمانی اساسیده، نماینده‌لر پارلمان ایشی‌گه دوام بیره‌دیلر.
