قول صعنت ایشلری شو هنرلردن سنله دی که مملکت نینگ عیاللری اوی ایشلری یانیده اوننی هم بیله دیلر، اولر بو صنعتنی تیریک سقله ماق و بو تاماندن اقتصادلرینی تأمینله ش اوچون بو ایشگه سهم آلگنلر.
بیراق شو اخیرگی ییللرده یخشی بازار بولمه گنی، مملکت ده ناپسند عرف و عادات لر بولگننی سبب عیاللر بو ایشدن اوزاق لب اویگه اولتورگنلیکلری ایتیله دی.
شونینگ دیگ غور ولایتی عیاللر جامعه گه کیریشگه خلق تامانیدن توسیقلیک یره تیله دیگن ولایت لردن بیری سنله دی.
اما شونده ی هم بولسه ینگیلیکده اوشبو ولایتده عیاللر نینگ قول صنعت ایشخانه لریدن بیری ایشگه باشله ب و بو تاماندن غور ولایتی نینگ عیاللریگه ایش زمینه سینی یره تگن.
مذکور ایشخانه مسؤولی اسماعیل رسا سلام وطندار بیلن اوتگزگن صحبتیده ، بو ایشخانه نی ایشگه باشله شینی قالین توقیش صنعتنی یوکسلتیریش دیب ایتیشیچه، اولر اوشبو ایشخانه نی قوریش لری بیلن 150 عیال گه ایش زمینه سینی یره تگنلر.
جناب رسا، کیلگوسی نیچه آیگه قدر 500 دن آرتیق عیال گه ایش زمینه سینی یره تیش اوچون تلاش قیلیشینی بیلدیرگن.
مذکور ایشخانه ده قول صنعت لری بیلن شغلله نیب کیلاتگن عیاللر، حاضر ایشلرینی یخشیله نیشینی معلوم قیلگنلر.
قول صنعت ایشخانه سی نینگ عمومی مدیری فرزانه گه کوره، مونچاق تیکیش، خامک تیکیش، شال وباشقه نرسه لر ایشخانه قول صنعت لریدن بولیب و شو سونگی پیتده یخشی بازارگه قول تاپگنلر.
مذکور ایشخانه ایشلاوچیلریدن بیری بی بی هوا، بو ایشخانه توزه لیشدن ایلگری اولر ایش سیز اویلری بولگن و حاضر اوشبو ایشخانه گه ایشلب عایله لریگه مالی یاردم بیریشلرینی تیلگه آلگن.
غور ولایتی عیال لر ریاستی نینگ باشلیغی معصومه انوری، مذکور ایشخانه نینگ ایشگه باشله شینی عیال لر اوچون ایش تاپیش یخشی بیر آدیم بیلیب، بوندن ایلگری هم غور ولایتیده قول صنعت لرینی یوکسلتیریش اوچون تلاش لر بارلیگینی تیلگه آلیب، بیراق نتیجه سیزلیگینی بیلدیرگن.
بوندن ایلگری غور ولایتی نینگ چهبرلی عیاللری قول صنعت لرینی ساتیش اوچون بازار یوقلیگیدن شکایت قیلیب و حکومت دن قول صنعتلرینی ساتیش اوچون مخصوص بیر بازار قوریشینی سوره گن ایدیلر
