هرات ولایتی نینگ اونلب اهالیسی، مدنی فعاللر و بیر قطار مجلس نماینده‌لری «طالب، داعش و بیشینچی ستون ایمس» دییه شعار بیریب کابل اعتراضچیلرینی حمایت قیلگنلر.
یول یوریگنلر بیشینچی ستوننی جمعه کون کابلده ناراضیلیک نمایش زوروانلیک‌که ایله‌نیشی اوچون بیرینچی عامل دیدیلر.
نماینده‌لر مجلسی نینگ اعضاسی ناهید فرید، حکومت‌نی کفایت‌سیزلیک همده استبدادگه عیبله‌‌لگن. اونینگ ایتیشیچه، حاضرگی شرایطده دولت اداره‌لریگه اساسی اصلاحات کیریتیلیشی‌گه کتّه احتیاج بار.
عین حالده، تخاری ولایتی نینگ اونلب یشاوچیسی اولسین طالب، اولسین داعش و اولسین ترورچیلر دیب ایکی کوندن بیری ولایت مرکزی تالقان شهریده توپله‌نیب کابل اعتراضیدن اوز حمایتلرینی اعلان قیلدی. اولر هم جمهور رییس غنی و اجراییه ریاستی باشلیغی چیتلنتیریلیشی‌نی سوره‌گن.
بغلان ولایتیده هم مدنی جماعه‌چیلیک فعاللری کابل خلقی نینگ ناراضیلیک نمایشلرینی قوللب قوتلب ملی بیرلیک حکومتی رهبرلری استعفا بیریش طلبی بیلن چیققنلر. اولر، مملکت نینگ جاری بحرانی حل ایتیلیشی اوچون بیرینچی یول لویه جرگه اوتکزیلیشی ضرور دیگنلر
اما، بو ییر کابلده اوچ کوندن بیر ناراضیلیک نمایش یولگه قوییب تحصن قیلگنلر عدالت تامین ایتلیشی «غنی وعبدالله» استعفا بیریشی باره‌سیده همان ایستکلریگه تاکید قیلیب کیلماقده‌لر.
اعتراضچیلردن بیری هارون معترف نینگ سلام‌وطندارگه ایتیشیچه، کفایت‌سیزلیک و حکومت رهبرلری نینگ ناتوغری سیاستی هر کون مملکت خلقی‌دن قربانلیک آله‌دی. او، پایخت اهالیسی‌نینگ دادخوالیک و اعتراضلری فقط افغانستان دولتی‌گه تحول و اوزگریش کیلتیریش اوچون یولگه قوییلگن دیگن.
افغانستان ملی نوین جبهه‌سی نینگ رهبری انورالحق احدی بوگون (یکشنبه) خبری بیر ییغین‌ده اعتراضچیلردن اوز حمایتی‌نی اعلان قیلدی. او، مملکت اهالیسی نینگ امنیتی تامین بولیشی اوچون حکومت ناکام دیگن. هنوزگچه هم حکومت بوتوغریده خلق‌نی الده‌ب کیلگن دیدی احدی.
جمعه کونی یولگه قوییلگن ناراضیلیک نمایش جریانیده ملی کوچلرنینگ اوق اوزیشی نتیجه‌سیده 10 کیشی عالمدن اوتیب باشقه 20 انسان تن جراحتی آلگن ایدی.
