میلادی جاری ییل جولای‌آیی نینگ پایانی‌گه قدر ملی کوچلرنینگ برچه حربی اوسکونه‌سی رویخطگه آلینه‌دی.
ملی مدافعه وزیرلیگی نینگ تخنیکی و تدارکات ایشلری بوییچه معاونی غلام‌سخی احمدزی بوگون (پنج‌شنبه) کابل‌ده اوتکزگن خبری بیر اولتیریش‌ده اوشبو حربی جهازلرنینگ هنوزگچه 70% رویخطگه آلینگن دیدی.
جناب احمدزی، بوندن آلدین قول اردو سطحی‌ده امضالنگن بوتون شرطنامه‌لر حاضر مرکزده قول قوییله‌دی دیگن. ملی اردونینگ شرطنامه‌لری مرکزده قول قوییلیشی نتیجه‌سیده هنوزگچه آلتی میلیارد افغانی تیجلگن دیگن.
جاری ییل‌ده ملی مدافعه وزیرلیگی کوپراق آست‌قورمه لایحه‌لرگه اعتبار بیرگنی خصوصیده تاکید قیلگن جناب احمدزی. اونینگ ایتیشیچه، حاضر قورال اسلحه انبارلری، حربی قرارگاه‌لر و استنادی دیوارلر قوریش اوچون 850 میلیونلیک شرطنامه‌گه قول قوییلماقده دیگن.
ملی مدافعه وزیرلیگیده‌گی فساد همده حربی اوسکونه‌لر طالبانگه ساتیلیشی اساسی تشویشلردن حسابلنه‌دی. ایریم گزارشلرده اوشبو وزیرلیک فساد آلدی آلینیشی اوچون هلیگچه انیق لایحه ایشلب چیقاریش‌گه موفق بولمه‌گن لیگی بیلدیریلگن.
