کنر امنیتی رسمیلرینینگ ایتیشیچه، بوگون ایرتهلب ساعت 4 اطرافیده، مذکور ولایتنینگ سرکانی، مروره، وتهپور، چپهدره و شیگل تومنلریدهگی پولیس پوستهلری اوستیگه طالبلر تامانیدن هجوم اویوشتیریلگن.
کنر پولیس قومندانلیگی سوزلاوچیسی فرید دهقان، مذکور تومنلردهگی پولیس پوستهلری اوستیگه طالبلر تامانیدن گروهی هجوم اویوشتیریلگنینی تصدیقلهیدی، بیراق بو توغریده آرتیقچه معلومات بیرمهیدی.
لیکن، کنر حاکمی سوزلاوچیسی غنی مصممنینگ ایتیشیچه، قوراللی طالبلر وتهپور، مروره و سرکانی تومنلریدهگی پولیس پوستهلری اوستیگه هجوم قیلگنلر و حاضرگچه اوشبو آتیشمهلر جریانیده وتهپور تومنیده بیر باله جان بیرگن.
باشقه بیر تاماندن، 201 سیلاب قول اردو تامانیدن ترقهتیلگن خبرنامهده یازیلیشیچه، اوشبو هجوملر آرقهگه اوریلگن و نتیجهده 22 طالب هلاک و باشقه 5 طالب یرهلنگن.
اوشبو خبرنامهده، امنیتی کوچلرنینگ تلفاتی توغریسیده هیچ نرسه دییلمهگن.
بیراق، سرکانی، وتهپور و چپهدره تومنلرینینگ یشاوچیلریدن بیرقطاری سلاموطندار بیلن علاقه قوریب ایتیشیچه، مذکور تومنلرده حاضرگچه امنیتی کوچلر و طالبلرنینگ آرهسیده آتیشمه دوام ایتماقده.
اولرگه کوره، حاضرگهقدر وتهپور تومنیده بیر اویگه توشگن هاوان اوقی نتیجهسیده بیر عیال آغیر شکلده یرهلنگن.
قوراللی طالبلر حاضرگچه بو توغریده میدیاگه هیچ نرسه دیمهگن.