چیگرهنینگ ایکّی تامانیدهگی افریدی، مومند، شینواری، سالارزوی، مشوانی، خوگیانی، منگلها، زازی و باشقه بیر قنچه قوملر بوگون جلالآباد شهریده ییغیلیب ایکّی مملکت قیینچیلیگی اوچون حل یول تاپیش بارهسیده مذاکره قیلگنلر.
چیگرهنینگ ایکّی نریاغیدهگی قوملر، پاکستانلیک رسمیلر پاکستان قبیلهلر منطقهسیده ترورچی همده خودکش هجومچی تیارلیدی دیگنلر. مذکور ترورچیلر تربیهلنگندن سونگ افغانستانگه یوباریلهدی دییه ادعا قیلگن بو قوملر.
چیگرهنینگ نریاغیده استقامت قیلهدیگن قوم بویوکی حاجی رزجان شینوای، پاکستان چیگره حدودیده داعش مرکزی قوریش اوچون سعی حرکت قیلهدی دیگنلر. اونینگ سوزیگه کوره، تیرا و باجوز منطقهلریدهگی حربی مرکزلرده ترورچیلرگه قراگاه قوریب بیریلگن. بو مرکزلرده ترورچیلر ینه خودکشلر تربیهلنهدی.
پاکستان وزیرستان کینگشی نینگ رییسی دکتر حیات مسعود، اوزاق ییللردن بیری چیگرهنینگ ایکّی تامانیدهگی خلق ظم چیکهدیلر و خلق بوندن کیین عدالت سیزلیککه چیدهآلمهیدی دیگن.
اولر بیرلشگن ملتلر تشکیلاتیدن پاکستان نینگ بو ظلمیگه پایان بیریشنی سورهگنلر.
ییغینده سوزلهگن خیبر اجنسی قومی نینگ باشلیغی حاجی حکمخان، بو قبیل اولتیریشلر حاضرگی وضعیت یخشی لهنیشی منطقهده ترورچیلر فعالیتیگه پایان بیریشگه باعث بولهدی دیگن.
پاکستان راکت هجوملرینی قارهلهگن افغانستان قوم یاش اولوغی جهانزیب، پاکستان تامانی افغانستان توپراغینی تارتیب آلیش مقصدیده راکت آتیشگه اولگورهدی دیگن.
دیورند چیزیغی نینگ نریاغیدهگی قوم بویوکلری، چیگرهنی نینگ بو تامانیدهگی ایناغهلریگه قرشی راکت آتمسلیکلرینی بیلدیرگنلر.
ییغین سونگیده چیگره ایکّی تامانی بویوکلری قطعنامه صادر قیلیش بیلن قبیلهلر منطقهسیدن پاکستان ملی کوچلری چیقاریلیشینی سورگنلر.
