غور ولایتیده محلی بیر قومندانگه تیگیشلی کیشیلر، بیر منطقهنی 80 دن آرتیق عیالینی اوغیرلب و اونلرچه اوینی اوتگه تارتگنلر. مذکور ولایتنینگ شهرک تومنی مسجدنگار منطقهسی یشاوچیلرینینگ سلاموطندارگه ایتیشیچه، اوتگن کیچه غور ولایتینینگ سابق والیسی فضلاحمدنینگ ایناغهسی فضلاحد، مذکور عیاللرنی اوغیرلب و برچه منطقهلرینی اوتگه تارتگن.
اولرنینگ ایتیشیچه، اوشبو محلی قومندان امنیتی کوچلرنینگ حضوریده بوندهی جنایتگه قول اورگن. یشاوچیلرگه کوره، آتیشمه جریانیده، مذکور قومنداننینگ نفرلری، بیر کیشینی حربی تانک بیلن باسیب اوتگن و باشقه بیر کیشینی اویده اوتگه یاندیرگن.
غور ولایت کینگشی اعضاسی محمدهاشم فیضی، بو واقعهنی تصدیقلهیدی، بیراق اوغیرلنگن عیاللر رقمینی 20 دیب ایتیشیچه، اوشبو واقعهده چمهسی 60 اوی اوتگه تارتیلگن و قطار عیال و بالهلر هلاک ایتیلگن.
اونگه کوره، حاضر کوپینچه قوراللی طالبلر، مسجدنگار منطقهسیده توپلنگن و اوشبو ولایتنینگ سابق والیسی یشهیدیگن منطقه اوستیگه هجوم قیلیش نیتیده تورگنلر.
بیراق، غور ولایتینینگ پولیس قومندانی غلام مصطفی محسنی، بو ادعالرنی رد قیلیب ایتیشیچه، اولر هیچ کیمگه گرو و جنایت قیلیشگه رخصت بیرمهیدیلر. غور پولیس قومندانینینگ ایتیشیچه، اوشبو منطقهده یالغیز امنیتی کوچلر و طالبلرنینگ آرهسیده آتیشمه یوز بیرگن و برچه تلفات طالبلرگه تیگیشلی بولهدی، تینچ اهالیگه ایمس.
اوشبو واقعه کمیده ایکی کیچه آلدین، غورده طالبلر تامانیدن تعیین ایتیلگن والینینگ اورین باسری ملااحمدشاه رهبرلیگیده قوراللی طالبلردن بیر گروهی، تینچ اهالی اویلری اوستیگه هجوم قیلگن و تینچ اهالینینگ بار نرسهلرینی تالان قیلگنیدن کیین غور ولایتینینگ سابق والیسی فضل احمدنینگ اویینی اوتگه تارتگنیدن سونگ یوز بیرگن.
