_Copy1.jpg)
طالبلر محلی پولیس قومندانلریدن بیری نینگ 13 عایله اعضاسینی قولگه آلیب اوشبو قومندان قولیده‌گی جهازلرینی اولرگه بیریب و منطقه‌نی ترک قیلمه‌گن تقدیرده، بو قمراوگه آلینگن عایله اعضالری نینگ برچه‌سینی آتیب اولدیره میزدیب آگاهلنتیرگن.
خبرنی تأیید قیلگن دولینه تومنی نینگ باشلیغی احمدحسین دانشیار نینگ سلام‌وطندارگه ایتیشیچه، اوتگن کیچه طالبلر فراهرود یشاوچیلریدن 13 ته‌سینی انیق بولمه‌گن منطقه‌ده اوزلری بیلن بیرگه آلیب کیتگن‌لر.
غور والیسی نینگ سوزلاوچیسی عبدالحی خطیبی هم موضوعنی تأیید قیلیب، محلی قومندانلردن تاج محمد نینگ یقینلریدن 13 کیشی‌نی طالبلر اوزلری بیلن بیرگه آلیب کیتگن و بو قومنداندن امنیتی پوسته‌لرنی ترک قیلیشگه آگاهلنتیرگنلر دیدی.
غور والیسی نینگ سوزلاوچیسی، طالبلر بومحلی قومندانگه بولرنینگ ایستکی‌گه توجه قیلیب محلنی ترک قیلمه‌گن صورتده، اوشبو قومندان برچه عایله اعضالرینی آتیب اولدیره میز دیب آگاهلنتیرگن.
خطبی‌گه کوره، نیچه کوندن بیری طالبلر شهرک و دولینه تومنلریده هجوم قیلیش یانیده اوزلریگه سرباز هم آلیب کیلماقده‌لر.
اوتگن کون شهرک تومنی باشلیغی محمد کبیری نینگ سلام‌وطندارگه ایتیشچه، طالبلر شهرک و دولینه تومنلریگه هجوم قیلیب اونی تصرف قیلیشگه تلاش قیلگنلریدن خبر بیرگن ایدی.
