مریکا حربی قوشینلری پنجشنبه کون کیچقرون اتمسیز ییریک بمبنی ننگرهار ولایتی نینگ اچین تومنیگه تشلهدی. هجومده داعش جنگریلرینینگ ییریک حربی مرکزی نشانگه آلیندی. امریکا حربیلرینینگ بو ایشی خوش قرشیلهگن شینواری تومنی نینگ قوم بویوکلری اقش داعشنی نابود ایتیش اوچون بوندهی هجومنی ینه صادر قیلیشی کیرهک دیگنلر.
قوم بویوکلریدن بیر ملکت کمین، داعش گروهیگه ییریک ضربه بیریلدی و حکومت ایسه مذکور حرکت نی بوتونلهی نابود قیلیش اوچون یینه هجوم اوتکزیشی بارهسیده تاکید قیلگن.
باشقه بیر قوم بویوکی ملک عثمان، هجوم نتیجهسیده جنگری داعش نینگ ییریک مرکزی نشانگه آلیندی و حربی تکتیک لحاظدن جنگریلرگه بو کتّه سلبی تاثیر قالدیردی دیگن.
مذکور قوم بویوکی اچین تومنی نینگ ایریم منطقهلریده بوندن بیر ییل آلدین اسلامی دولت جنگریلری جایلشگن لیگینی تیلگه آلیب، افغان ملی کوّچلری مذکور منطقهده حمزه نامی آستیده عملیات اوتکزیش محل یشاووچیلریدن منطقهنی ترک ایتیشنی سورهگن ایدی دیگن. اونینگ تعبیریچه، خلق ارا حربی قوشینلر تامانیدن تشلنگن ییریک بمب عاقبتیده هیچ بیر تینچ اهالیگه زیان ییتمهگن.
ننگرهار ولایتی والایت کینگشی نینگ کاتبی ذبیحالله زمری، مذکور بمب ایکین ییرلرگه کیلیب توشگن لیگی توغریسیده ترقه تیلگن میش – میشلرنی رد قیلیب، بوندهی عملیاتلر داعشنی نابود ایتیش اوچون کتّه تاثیری بارلیگی بارهسیده اورغولهگن.
افغان رسمیلرینینگ سوزلریگه کوره، اوشبو هجوم عاقبتیده جنگری داعش نینگ 94 اعضاسی نابود قیلینگن.
لیکن، مذکور بمب اچین تومنیگه تشلنگن لیگی جدی عکسالعمللردن هم یراقده قالمهدی.
افغانستان سابق جمهور رییسی حامد کرزی بوگون (شنبه) محور ملی حزبی تامانیدن اوتکزیلگن ییغینده قیلگن موعظهسیده ننگرهار ولایتی نینگ اچین تومنیده اقش نینگ اتمسیز ییریک بمبی ایشله تیلگن لیگینی امریکا افغانستاننی آچیق تجاوز قیلگن لیگینی کورستهدی دیدی.
جناب کرزیگه کوره، امریکا دولتی بو قیلمیشی بیلن افغانستان ییر بوتونلیگینی ایاغ آستی قیلدی. شونینگدیک اوشبو بمبدن ترقلگن ماده نتیجهسیده بوتون منطقه زهرلی بولدی دیگن جناب کرزی. مساله توغریسیده ملی بیرلیک حکومتی رهبرلرینی بی تفاوتلیککه عیبلهدی سابق جمهور رییس کرزی.
جمهور رییس لیک سرایی سابق جمهور رییس کرزینینگ بو قبیل سوزلری توغریسیده عکسالعمل بیلدیریب، افغانستان سوز ایرکین لیگی مکانی دیر مملکت نینگ هر بیر خلقی فکر بیلدیریش حقوقیگه ایگه دیگن.
