1396- تعلیمی ییل نینگ قونغراغی چَلیندی. ینگی تعلیمی ییل باشله‌نیش مناسبتی بیلن اوتکزیلگن ییغین‌ده صحبت قیلگن جمهور رییس نینگ ایکّینچی اورین باسری سرور دانش هنوز هم مملکت بویلب 48%مکتب بناسیز دیگن.
جناب دانش، حکومت مملکت بویلب بناسیز مکتبلر همده درسلیک کتابلر توغریسیده بولگن معمالرنی برطرف قیلیش اوچون اولگوریشی‌نی ایتگن.
جناب دانش، معارف وزیرلیگی نینگ مسووللریدن مَلکه‌لی استادلرنی وظیفه‌گه آلیب شایسته سالارلیکنی اوستون کوریشلرینی طلب قیلگن.
تهدیدلر باعث یاپیق حالتده قالگن مکتبلرنی قیته‌دن آچیش اوچون حکومت امکان قدر سعی وحرکت قیله‌دی دیگن جناب دانش. جمهور رییس ایکّینچی اورین باسری‌نینگ تعبیریچه، اورگه‌تیش اداره‌لر صفت‌سیزلیگی ینه ییترلی درجه‌د‌ه اوقوو قوراللر بولمه‌گن لیگینی افغانستان‌ده اورگه‌تیش او اورگه‌نیش ساحه‌سیده‌گی اساسی دلیل حسابلنه‌دی.
ییغین‌ده سوزله‌گن افغانستان معارف وزیری اسدالله حنیف بلخی، بوتون مملکت اوقووچیلرنینگ سانی 9.2 میلیون‌گه ییتگن لیگینی تیل‌گه آلگن. بو رقم نینگ 39% نی قیزلر تشکل ایته‌دی دیگن جناب وزیر.
بیر قنچه باله‌لر اوچون مکتب بولمه‌گن لیگی، بنا یوقلیگی و عیال مسلکی اوقیتووچیلر آزلیگی و ناتینچ حدودلرده مکتبلر ایشیگی یاپیب قوییلگن‌لیگی وزیرلیک نینگ قرشیسیده تورگن کتّه معمالردن سنه‌له‌دی دیدی جناب بلخی.
افغانستان معارف وزیری‌نینگ معلوم قیلیشیچه، جاری ییل‌ده 141 مکتب نینگ بناسی ینگی دن قوریله‌دی. چمه‌سی 10 مینگ معلم ینگی دن ایش‌گه آلینیشی ریجه لنتیریلگن لیگینی بیلدیردی معارف وزیری.
