ناحربی هوا یوللر مستقل اداره‌سی نینگ مسووللری، 1395- ییلده یخشی موفقیتلرگه نصیب بولگنلیکلرینی تیلگه آلدیلر. اولرنینگ ایتیشیچه، ناحربی هوا یوللر مستقل اداره‌سی نینگ درآمدی 4.3 میلیاردگه ییتگن. بو ایسه قویاش 1394- ییلگه قره‌گنده 15% درآمد آشگن لیگینی کورسته‌دی. بو اداره نینگ مسووللری ناحربی هوا یوللر درآمدی اوتگن ییل 4 میلیادر افغانی بولگن ایدی دیدیلر.
ناحربی هوا یوللر مستقل اداره‌سی نینگ سوزلاووچیسی قاسم رحیمی، بوگون (چهارشنبه) کابل‌ده اوتکزیلگن خبری بیر انجمن‌ده، اوشبو اداره 1395- ییلده اینگ کته بودجه‌نی مملکت هوا قونالغه‌لری قیته قوریلیشی اوچون صرفله‌گن دیدی. جناب رحیمی نینگ سوزلریگه کوره، افغانستان ناحربی هوا یوللر مستقل اداره‌سی نینگ اینگ کته درآمدی مملکت فضاسی‌دن اوته دیگن چیت ایل اوچاقلریدن قولگه کیریتیلگن .
جناب رحیمی، قندهار، دایکندی و هرات قونالغه‌لری‌نینگ تدارکات ایشلری حاضر هم جریانی بارلیگینی تیلگه آلگن. قویاش جاری ییلده بو قوناغله‌لرنینگ قوریش ایشی باشلنه‌دی دیگن جناب رحیمی.
ییغین‌ده سوزله‌گن افغانستان ترانسپورت وزیرلیگی نینگ سوزلاووچیسی حکمت‌الله قووانچ، ترانسپورت وزیرلیگی قویاش جاری ییلده، یولاووچی تاشیووچی بوتون شرکتلر بیرلشمه‌سینی تیکشیریب چیققن دیگن. شونینگدیک وزیرلیک 341 شرکت قانوننی نظرده توتمه‌گنلیگی سبب فعالیتی توخته‌تیلدی دیگن جناب قووانچ.
