کابلده ییغین اوتکزگن میدانوردک ولایتینینگ قطار سوداگرلری و ایکینچیلری، ایران و پاکستان میوهلرینی سالیغی حکومت تامانیدن کوپهیتیریلیشینی سورهگنلر.
میدانوردک ولایتینینگ ایکینچیلری و سوداگرلریدن نمایندهلیک قیلگن ولایتی کینگش اعضاسی شریفالله هوتک نینگ آگاهلنتیریشیچه، کیلهجک 5 کونگچه ایستکلری حکومت تامانیدن جدی آلینمهگن صورتده، کابل-قندهار قتناو یولینی باغلهیدیلر.
میدانوردک ایکینچیلریدن بیری حاجی محمدامیننینگ ایتیشیچه، پاکستان و ایران میوهلری آز سالیق و قاچاق شکلده افغانستان گه آلیب کیلینهدی. اونگه کوره، ایران آلمهسی کچالو آتی گه آلیب کیلینهدی و کچالو سالیغی بیریلهدی.
شونینگدیک، اوتگن هفته اوشبو ولایت سوداگرلری و ایکینچیلری، کابلده ناراضیلیک بیر ییغین اوتکزیب و حکومتدن امنیتی کوچلرنینگ میوهلریده بولهدیگن فساد آلدی آلینیشینی سورهگن ایدیلر.
