تخار ولایتیده خانهدانلردن بیری، بولرنی رستاق تومنیدن تالقان شهریگه سورگون قیلگن شخص قاری الیاس ناملی محلی قومندان دیگن.
بو 8 کیشیدن بیری سیدعبدالودودنی ایتیشیچه، مذکور قومندان نفرلری بولر خانهدانیدن بیر بالهنی اولدیرگن و باشقه 6 کیشینی هم یرهدار قیلگندن سونگ اوشبو خانهدان محلی حکومتگه دعوا قیلیب کیلگنلر. اونگه کوره، بولرگه عکسالعمل کورسهتیب قاری الیاس خانهدان 8 اعضاسینی سورگون بولیش حکمینی صادر قیلگن.
خانهدان باشقه بیر اعضاسی شیرین نینگ ایتیشیچه، قومندان نفرلری یشاوچیلرنی بیزاته قیلهدی.
اونینگ کوپهیتیریشیچه، اوشبو خانهدان بار-یاغلرینی هم قاری الیاس نفرلری تالان قیلگن.
مذکور خانهدان تخار ولایت ایشیگیده کیلیب، رسمیلردن بوقومندان قولگه آلینیشینی طلب قیلگنلر. اولرگه کوره، محلی محکمه قاری الیاس نینگ اوغلی ایکن و «هرحالده بولسه او دعوانی ایلتهدی.»
بیراق سلاموطنداربیلن صحبت اوتکزگن قاری الیاس بو کیشیلر سورگون بولیشیگه قولی بارلیگینی رد قیلیب ایتیشیچه، باله گینهنی اولیش دوسیهسی هم اونگه تیگیشلی ایمس. اونینگ ایتیشیچه، جرم شخصی عمل و جرم قیلگن شخص دولت تامانیدن توتیلیشی لازم.
شونینگدیک تخار والیسی نینگ سوزلاوچیسی سنتالله تیمور کیشی لرنی سورگون بولگنینی قبول قیلهدی، بیراق ایتیشیچه، قاری الیاس مجلس اعضالری تامانیدن حمایت بولهدی. جناب تیمورگه کوره، محلی حکومت دوسیهنی تیکشیرماقده.