بوگون (سهشنبه) کابلده ییغین اوتکزیب اعتراض بیلدیرگن ملی مشارکت حزبی و افغانستان یاشلر مدنی جماعهچیلیک انجمنلری، قاره شیشهلر موتلرنینگ سانی آشگن لیگی پایتختده نابرقرارلیک همده جنایی جرملر میزانی آرتگنلیگیگه سبب بولگن دیدیلر. اوشبو اعتراضچیلر، تیز آره ده قاره شیشهلی موترلر تیگیشلی ادارهلر تامانیدن تازهلهنیشی کیرهک دیگنلر.
مشارکت حزبی نینگ رییسی نجیبالله کابلی پایتختده قاره شیشهلی موترلر سانی آرتگن لیگی توغریسیده خواطر بیلدیریب، امنیتی ادارهلر ایکّی هفته ایچیده بوتونلهی قاره شیشهلی موتلرنی آلدینی آلیشی ضرور دیگن.
اما، مملکت ایچکی ایشلر وزیرلیگی سوزلاوچیسی نینگ سرپرستی نجیبالله دانش، قاره شیشهلی موترلرنی تازهلش همده شمارهسی بولمهگن موترلرنی ییغیش پولیس نینگ کوندهلیک ایشی دیگن.
ییغینده گپیرگن مدنی جماعهچیلیک انجمنی نینگ اعضالری همده مشارکت حزبی نینگ باشلیغی قاره شیشهلی موترلر ایگهلری و امنیتی ادارهلر رهبرلریدن مولرنینگ قاره شیشهسی تازهلهنیشی اوچون جدی تدبیر آلیشلرینی سورهگن.
بو ایش عملگه آشیریلمهگن حالده، مدنی جماعهچیلیک انجمنی فعاللری ینه مشارکت حزبی بوندن کوره کینگ مدنی حرکتگه قول اوره دیگن اعتراضچیلر.
