فاریاب ولایتیده حربی پیلوتلرینینگ ایتیشیچه، 209 شاهین قول اردوسینینگ بیرینچی لِوا قومندانی، ایستهگیگه رد جواب آلگنی باعث، بیر پیلوتنی کلتکلب و باشقه 7 پیلوت بیلن بیرگه قماققه تشلهگن.
بیراق، 209 شاهین قول اردوسینینگ بیرینچی لِوا قومندانی جنتگل کروخیلنینگ ایتیشیچه، هیچ بیر پیلوتنی کلتکلمهگن و یالغیز بیر پیلوتنی نظارتگه آلگن و اونینگ همکسبلری بولگن باشقه 7 پیلوت او نظارتده آلینگن اتاققه کیریب اولتیرگنلر.
فاریاب ولایتیده حربی کوچلرنینگ پیلوتلریدن بیری شمسالدین حکیمینینگ ایتیشیچه، بیر کون آلدین، ایکی اوچاق امنیتی کوچلرنینگ یرهلنگنلرینی انتقال بیریش نیتیده مزار شریفدن میمنهگه اوچگن. شاهین قول اردوسینینگ بیرینچی لِوا قومندانی جنرال جنتگل کروخیل، پیلوتلردن اوچاق کوچیدن آرتیق ییگولیک آذیق اوقت و حربی جهازلرنی غورماچ تومنیگه ییتکزیشینی طلب قیلگن.
بیراق جناب حکیمیگه کوره، اوچاق قونهدیگن محلده تهدید بولگنی و یرهلنگنلرنینگ انتقال بیریشده هوایی حمایه نیازلیگی باعث، پیلوتلر، بیرینچی لِوا قومندانینینگ ایستهگیگه رد جواب بیرگنلر.
اوشبو پیلوتنینگ ایتیشیچه، فاریابده شاهین قول اردوسینینگ بیرینچی لِوا قومندانی، باشقهلرنینگ حضوریده اوچاق پیلوتی محمد سالم نی کلتکلب حبسگه آلگن.
لیکن جنرال کروخیلنینگ ایتیشیچه، حربی پیلوتلری هردایم اوچیشلریده ایشدن قاچهدیلر، شو کیچه کونده غورماچ تومنیدهگی امنیتی کوچلر، قیشگی البسهگه احتیاج بولیب تورگنلر. پیلوتلر ایسه، 500 کیلو گرامدن آرتیق آغیر بولمهگن قیشگی بستهلرنی ییتکزیب بیریشگه بهانه آخترهدیلر.
فاریابده حربی کوچلر پیلوتلرینینگ کوپهیتیریشیچه، بو بیرینچی مرته ایمس کیم، شاهین قول اردوسینینگ بیرینچی لوا قومندانی، اولرگه قرشی بوندهی زورهوانلیک کورستگن بولسه، بلکیم بوندن آلدین هم نیچه مرته پیلوتلرگه قرشی زورهوانلیک کورستگن.
اوشبو پیلوتلر، مملکت ملی مدافعه وزیرلیگی رسمیلریدن، شاهین قول اردوسینینگ بیرینچی لِوا قومندانی تامانیدن پیلوتلر حبسگه آلینگنی و بیر پیلوت کلتکلنگن موضوعینی جدی شکلده تیکشیریشینی سورهگنلر.
