لوگر ولایتیده اردوکوچلرینینگ بیرپوستهسی بیرگهلیک کوچلر تامانیدن هدف آلیندی. لوگر ولایتی برهکی برک تومنینینگ باشلیغی انجنیر محمدرحیم امین نینگ سلاموطندار بیلن تیلفونی سوزلهشیب ایتیشیچه، شوبوگون ایرتهلب ساعت 7 ده بیرگهلیک کوچلری برهک برک تومنینینگ چلتن منطقه سیدهگی اردوکوچلرینینگ پوستهسیگه هوایی هجوم اویوشتیریش نتیجهسیده اردوکوچلریدن 7 کیشی هلاک بولگن.
جناب امینگه کوره، بوهوایی هجومده اردوکوچلریدن باشقه 5 تهسی هم تن جراحتی آلگن. اونگه کوره اردوکوچلرینینگ پوستهسی بوتونلی اورتهدن کیتگن.
حاضرگه قدر بوهجوم دلیلی انیقلنمهگن، برهکی برک باشلیغیگه کوره، قضیه یقیندن تیکشیریلیشی اوچون بیر هیأت محلده یوباریلگن.
حاضرگه قدر بیرگهلیک کوچلری رسانهلرگه بوتوغریده بیرنرسه دیمهگن. نیچه پیت آلدین هم پروان ولایتیده جایلشگن جهادی قومنداننینگ قورال ییغینی بیرگهلیک کوچلر تامانیدن هجومگه آلینیشی سبب مذکور قورال ییغینی بوتونلی اورتهدن کیتگن ایدی. حادثه، اجرایی ریاست باشلیغینینگ پروان ولایتیده باریشی و جهادی قومندانلرنینگ غضبله نیشیگه سبب بولگن ایدی.
