قندهار ولایتی نینگ طبیعی حادثهلرگه قرشی کورهش مسووللری، بیر قنچه قوراللی شخصلر و ولایت نینگ قطار قوم یاش اولوغری ساختهلشتیریلگن رویخطنی سوءاستمعال قیلیب آوارهلر اوچون نظرده توتیلگن کومکنلرنی چونتکلریگه اورشگه اولگورگنلر دیدیلر.
قندهار طبیعی حادثهلرگه قرشی کورهش ریاست نینگ باشلیغی مسعود پشتون، قطار قوراللنگن کیشیلر ینه قوم یاش اولوغلری بعضی بیر ساختهلشتیریلگن رویخطنی اوشبو ادارهگه کیلتیرگنلیکلرینی سلاموطندارگه ایتگن.
جناب پشتونگه کوره، ساخته لشتیریلگن رویخطلرنی رد قیلگندن کیین مذکور زوروانلر تیکشیروو هیاتنی منطقهلریگه کیریش اوچون رخصت بیرمهگن.
بو سوزلرنی رد قیلگن ولایت والیسی نینگ سوزلاووچیسی صمیم خپلواک، محلی کوچلر دولت ایشلاووچیلری همده بوتون شهر اهالیسینینگ قوریقچیلری دیگن. شونینگدیک جناب خپلواک، مسوولیتی بولمهگن قوراللی گروهلر دولت ادارهلری ایشیگه توسیق یرهتیش کوچیگه ایگه ایمس لیگینی تیلگه آلگن.
عین حالده، آواره بولگنلر دولت همده نا دولت یاردم ییتکزیب بیرووچی تشکیلاتلردن کومکلر شفاف صورتده ترقهتیلیش آقیمینی کوزهتیشلرینی سورهگن.
حاضرگی کونده قندهار ولایتیده بعضی بیر ولایتلر و تومنلردن آواره بولیب کیلگن 8000خانه تیز یاردم انسان پرورلیک کومککه احتیاجی بارلیگی ایتیلهدی.
