جمهورلیک ریاستی حکومت ادارهلریگه نانوالر آرقهلی، نیازمندلرگه قوروق نان ترقهتیشگه بویروغ بیردی.
اوشبو بویروغ بوگون "چهارشنبه" کابلده عملگه آشیریلهدی و کیلهجک کونلرده هرات، قندهار، مزار، قندوز و جلالآباد یشاوچیلری بو لایحهدن فایدهلنهدیلر.
مملکت جمهور رییسی محمداشرف غنی نینگ ایتیشیچه، کرونا ویرسی سبب، مملکت اقتصادی نقطهنظردن جدی قیینچیلیک بیلن روپهره بولگن و انهشو باعث، بو برنامه یولگه قوییلگن.
جمهورلیک ریاستی مسوول ادارهلر، دین عالملر، قوم بویوکلر و مدنی نهادلردن نانوالر آرقهلی، نیازمندلرگه قوروق نان ترقهتیش خصوصیده حکومتگه یاردم بیریشلرینی سورهگن.
کابل شهری نینگ 9- و 10- ناحیهسینی وکیللری مرتضی سعیدی و عصمت نینگ سلاموطندارگه ایتیشیچه، کمبغل عایلهلر، ناگرانلر و قول ساتیووچیلر اوشبو یاردملردن فایدهلنهدیلر.
عینحالده، نمایندهلر کینگشی اعضاسی عارف رحمانی نینگ آگاهلنتیریشیچه، حکومت عمومی آچلیککه توسیق بولمهگن صورتده، اهالی جدی قیینچیلیک بیلن روپهره بولهدی.
جمهورلیک ریاستی نینگ ایتیشیچه، تیزلیککه مملکت بوتون ولایتلرده نیازمند عایلهلرگه قوروق نان ترقهتیش لایحه عملگه آشیریلهدی.
