بغلانلیک اعتراضچی کانچیلر بوگون (شنبه) ایکینچی مرته ناراضیلیک نمایش اوتکزیب غوری سمنت ایشلب چیقاروچی شرکت ایشیگینی ملازملری یوزیگه یاپیب قویگنلر. اعتراضچیلرنینگ ایتیشیچه، افغان کول شرکتی هنوزگچه تقدیرسیز قالگن 582 کیشی ایشلاوچینینگ قیین چیلیگینی حل ایتیش اوچون هنوزگچه عملده هیچ بیر آدیم کوتارمهگن دیگنلر.
اعتراضچیلر، اوشبو خصوصی شرکت کرکر کانی قازیب چیقاریلیش مسوولی ایکن لیگینی تیلگه آلگنلر. اولرگه کوره، بو شرکت 582 کانچینی ایشدن آلیب باشقه بیر قنچه کانچی نی ایسه معاشینی قیسقرتیرگن.
عمومی سانی 600 کیشی اعتراضچی ایشلاووچیلرنینگ آگاهلنتیریشیچه، قیین چیلیکلری درست شکلده حل ایتیلمهگن حالده، بوندن هم کوره کینگ اعتراضگه قول اوریشلری ممکن لیگی باره سیده آگاهلنتیرگنلر. غوری سمنت ایشلب چیقاروچی شرکت ایشیگینی بو اداره ملازملریگه یوزیگه یاپهمیز دییه بقیرگن نمایشچیلر.
اعتراضچی کانچیلرنینگ نمایندهسی غلامسخی نینگسوزلریگه کوره، بغلان محلی ادارهسینینگ رسمیلری، افغان کول شرکتینینگ رسمیلری ایکّی هفتهگه قدر قیینچیلیکلرنی برطرف ایتیشدن سوز بیرگن؛ اما، بیر هفته اوتیشیگه قرهمی هنوز بیر چاره تدبیر کورمه گنلر دیگنلر.
عین حالده، بغلان ولایتی کینگشینینگ باشلیغی صفدر محسنی، ولایت تاش کومر کانی ایشلاووچیلری نینگ تقدیرسیز قالگنلیکلری اوچون غوری سمنت شرکتی همده محلی حکومت نینگ مسووللری فرقسیز یاندهشماقدهلر دیگن.
او، حکومت مذکور کانچیلرنینگ قانونی ایستهگیگه اعتبار قرهتمهگن حالده، بولرهم نمایشچیلر صفیگه قوشیلیشی حقیده آگاهلنتیرگن.
شونینگدیک بغلان ولایتی کینگشینینگ باشلیغی، پولیس کوچلری اعتراضچیلر بیلن قوپال معامله قیگن لیگینی ادعا ایتگن. پولیس اعتراضچیلردن اوچتهسینی یره دار ایتگنی ایتیلهدی. ایتیلیشیچه، نمایش جریانیده اعتراضچیلر پولیس تامانیدن کلتک لنگنلر.
کانچیلر اعتراض تفصیلاتی نی اورگهنیش اوچون بغلان ولایت محلی رسمیلری همده افغان کول شرکتی مسووللری فکرینی اورگهنیش اوچون حرکت قیلدیک، بو توغریده آلیب بارگن سعی وحرکتلریمیز نتیجه بیرمهدی.
کرکر تاش کومر کانینینگ ایشلاووچیلری اوتگن هفته هم مذکو خصوصی شرکت تامانیدن 582 مهندس و کانچی ایشدن آلینگن لیگی اوچون اعتراض بیلدیریب، ایستهکلریگه تیگیشلی ادارهلر تامانیدن ایجابی جواب بیریلیشینی سورهگن ایدیلر.
