افغانستان ساغلیقنی سقلش وزیرلیگی نینگ مسووللری، جاپان دولتی نینگ مذکور مالی کومکی بلاغت ییتمهگن 1 میلیون 3 مینگ کودک و حاملهلیک یاشیگه ییتگن 6 میلیون خاتین ایملهنیش مقصدیده صرفلنهدی دیگنلر.
جاپان نینگ افغانستاندهگی ایلچیسی اوشبو شرطنامهگه امضا چیککن پیتده، مملکتی افغانستان حکومتیگه تورلی بولیملرنی اوز ایچیگه آله دیگن ساحهلرگه همکارلیک قیلیشگه تیارایکن لیگینی ینه بیربار تیلگه آلگن.
عین حالده، یونسف تشکیلاتی نینگ مملکتدهگی نمایندهسی، آنه و بالهلر اولیمی آلدی آلینیشی اوچون بو ایملش دستوری عملگه آشیریلهدی دیگن.
جاپان دولتی و یونیسیف یا بیرلشگن ملتلر تشکیلاتی نینگ بالهلر اوچون صندوقی بوگون (سهشنبه) 12.4میلیون امریکا دالری مقداریده بولگن مبلغ حسابیگه نیچه تور ایملش دستوری تطبیق بولیش شرطنامهسیگه قول قویدی. کیلیشوو مملکت ساغلیقنی سقلش وزیرلیگی بیلن یوقاریده ایسه تیلگن تشکیلاتلر نمایندهسی اورتهسیده امضا چیکیلگن.
مملکت ساغلیقنی سقلش وزیری فیروزالدین فیروز، بالهلرنی ایملش وزیرلیک ایش دستورینی بیرینچی لایحهسیدن اورین آلگن لیگی اوستیده تاکید ایتگن. جناب فیروزی، قول قوییلگن شرطنامهگه موافق جاپان دولتی نینگ کورستگن مالی همکارلیگی حسابیده یونیسیف ادارهسی افغانستان اوچون تبرکلوز، پولیو، زردی سیاه، قیزاموق و تیتانوس کبی ایملشنی یره تیب بیرهدی.
شونینگدیک افغانستان ساغلیقنی سقلش وزیرلیگی نینگ رسمیلری، بو ایملش تورت باسقیچ ده مملکت بویلب و کوپراق پولیو بولگن ولایتلرده ایسه تورت مرتهدن کوپراق تطبیق ایتیلهدی دیگنلر.
یونیسیف یا بیرلشگن ملتلر تشکیلاتی بالهلر صندوقی نینگ افغانستان اوچون مخصوص نمایندهسی ادلخصر بو قبیل ایملش دستورینی عملگه آشیریش مملکتده آنه و بالهلر اولیم میزانی کمییشی اوچون ایجابی تاثیر قالدیرگن دیدی.
