افغانستان تورمهلریده قماق مددتینی اوته یاتگن خاتین – قیزلر دایم ییتکرمهلرنینگ دالضرب موعوضی بولیب کیلگن. لیکن، بو خاتین – قیزلر نینگ تورمهدن آزاد ایتیلگن کیینگی تقدیرلری نیمه بولیشی هنوزگچه اصلا نظرده توتیلمهگن.
بلخ ولایتیده تورمهدن آزاد بولگن بیر قطار خاتینلر، اوزلری اوچون ایرکینلیک هلی هم باشقه قماخانه توشونیلیشینی ایتگنلر. چونکه تشقریدن کوره تورمهده کوپراق اوزلرینی خوفسیزلیکلری تامین حالده سیزگنلیکلرینی بیلدیرگن اوشبو خاتینلر.
شونینگدیک بو عیاللر، تورمهدن آزاد ایتیلگندن سونگ خانهدانلری همده جمعیت تامانیدن قبول بولمسلیکلریدن شکایت قیلگنلر.
بو محبوسلردن بیری مریم. بیر ییلدن کیین مجبوریت اساسیده قیتهدن مزار شریف شهریدهگی خوفسیزلیگی تامین بولگن اویگه باش اورگن. 23 یاشیده بولگن بو خاتین اویدن قاچگنلیک همده زوردن تورموشگه چیقاریلگنی سبب بیر ییل حیاتنی تورمهده اوتکزگن لیگینی تیلگه آلگن. او، مراز شریف شهریدهگی اونلب بو قبیل خاتنلردن بیری حسابلنهدی.
بو عیاللردن باشقه بیر ایسه 23 یاشر خانم فاطمه. اونینگ سلاموطندار ترماغیگه حکایه قیلیشیچه، آته – آنه سیز، بوندن اوچ ییل آلدین ابهسی قری بیر ایرکککه نحاح قیلیب بیرگن. لیکن، او تورموش اورتاغی نینگ تهمتی نتیجهسیده حبسگه آلینیب آزادلیکدن محروم ایتیلگن.
حاضرگی کونده تورمهدن آزاد ایتیلگن فاطمه مریم بیلن بیر اویده حیات کیچیرهدی. هنوز جانی خوفسیزلیگی تامین بولمه گن و تورمهدن آزاد بولگنیدن بیری نیچه بار ابهسی تامانیدن اولیمگه تهدید بولگن لیگینی اظهار ایتهدی فاطمه.
قماقدن آزاد ایتیلگن فاطمه تورموش اورتاغی نینگ اوییگه باریشی بیلن ایری تامانیدن قیته اویدن هیدهب چیقاریلگن لیگینی حکایه قیلگن.
مزار شریف شهریدهگی خوفسیزلیگی تامین بولگن اویلرنینگ مسوولی ریحانه کریمی، چمهسی 160 خاتین تورمهدن آزاد ایتیلگندن کیین خوفسیزلیگی تامین بولگن اویگه یوز کیلتیرگنلر دیگن.
او، بو خاتینلرنینگ کوپینچهسی خانهدانلری تاماندن قبول بولمه گنلر دیدی. مریم و فاطمه کبی خاتینلر بلاغتگه ییتمهگن گودکلری بیلن اوشبو اوییده حیات کیچیره دیلر دیگن خانم کریمی.
حاضرگی کونده مزارشریف شهری نینگ عمومی تورمهسیده 60 ته عیال تورلی جنایت اینیسقه قتلگه قولی بارلیگی سبب آزادلیکدن محروم ایتیلگن.
