1396- ییل مالی بودیجهنینگ حجتی سنامجلسیگه ارایه ایتیلدی. بوگون (سهشنبه) سنامجلسیده اوشبو حجتنی ارایه ایتیش چاغیده مالیه وزیری اکلیل حکیمینینگ ایتیشیچه، کیلهجک ییل بودیجهسی کمیده 466 میلیارد افغانی بولگن و بو جملهدن 287 میلیارد افغانی عادی بودیجه و 178 میلیاردی رواجلنتیریش بودیجه اوچون اجرهتیلگن.
جناب حکیمینینگ ایتیشیچه، مذکور حجت 117 اورته و کیچیک لایحهدن عبارت و بونچه لایحه تکرارسیز بولگن. اساسی لایحهلر، اورگهتیش و تربیهلش، ایکینچیلیک و ساغلیقنی سقلش بولیملریگه اولویت بیریلگن؛ اوشبو بولیم 35.6 فایز بودیجهنی تشکیل بیرهدی.
مالیه وزیرینینگ کوپهیتیریشیچه، کیلهجک مالی ییل بودیجهنینگ حجتیده مملکتنینگ مالی امکانیتی نظرگه آلینیب و دنیا یاردملری اساسیده تیارلنگن. اونینگ ایتیشیچه، حاضرگچه بروکسل ییغینیده وعده بیریلگن دنیا یاردملریدن 60 فایزینی ملی بودیجه آرقهلی قولگه کیریتگن و بو رقم کیلهجک ییللرده اوزگریشی ممکن.
حکیمیگه کوره، جاری ییل بودیجهسی صرفلهنیلمهگنیگه اصلی عامل، فساد، لایحهسیزلیک، ظرفیت سیزلیک، مکافات و مجازات یوقلیگی بولگن. مالیه وزیرینینگ ایتیشیچه، مملکت اقتصادی جاری ییلده 2.9 فایز کوپهیگن و 96 – 97 ییللرده امنیت تأمین ایتیلگن صورتده، بو رقم میزانی 3.5 دن 4 فایزگه آشهدی.
حکیمینینگ اورغولشیچه، مالی ییلنینگ بیرینچی آلتی آییده وزیرلیکلر بودیجهنی قندهی بیرشکلده صرفلهشیدن جدی شکلده نظارت قیلهدی و بودیجهنی یخشی بیر شکلده صرفلهآلمهگن ادارهلرگه تکرار بودیجه بیرمهیدی. اونینگ ایتیشیچه، اولر یاردم بیرووچی مملکتلر اویغونلیگیده اساسی لایحهلرنی عملگه آشیرهدیلر.
قانون اساسیده، سنامجلسی 15 کون جریانیده مصلحتلرینی بودیجه حجتیگه قوشیب مالیه وزیرلیگیگه تاپشیریشی کیرهک و اوندن کیین، وزیرلیک ینگی بیر حجتنی نمایندهلر کینگشیگه یوبارهدی و نهایتده نمایندهلر کینگشی اعضالری اونی تصدیقلب یا-ده رد قیلهدی.
