قندوز اوروشیدن آواره بولیب تخارگه یول آلگنلرنینگ سابقهسی بولمه گن. عمومی یول یاپیلیب قالگینی تخار ولایت مرکزی تالقان شهریده آزیق آوقت نرخی کوتیلمهگن درجهده کوتاریلگن.
تخارلیک مدنی فعال سید کریمالله دانش، قندوز ده نابرقرارلیکلر میزانی آشگنلیگی و عمومی یوللر یاپیلیب قالگنی ولایتده یاقیلغی مادهلر و آزیق آوقت نرخی سیزیلرلی درجه ده کوتریلگن دیگن.
جناب دانش، تخارده آواره بولیب یورگنلرنینگ سانی بیش مینگه ییتگن لیگینی بیلدیرگن. اونگه کوره، آوراهلر جدی قیینچلیکلر بیلن روپه ره بولگنلر.
تخار ولایتی نینگ والیسی داکتر یاسین ضیاء تخارنی باشقه یوللر بیلن باغلاوچی عمومی یوللر باغلنگنی سبب تالقان شهریده ییگولیک نرخی کوتاریلگن دیگن. اما، بو قیین چیلیک تیزلیکده حل بولهدی دیدی ولایت والیسی.
جناب ضیا، آواره بولگنلرگه منتظم روشده آزیق آوقت ترقه تیب بیریلیشینی تیلگه آلگن. لیکن، حاضر آوارهلرده یاپینچیق و چادر بولمهگن لیگی اساسی معمالردن حسابلنهدی.
تخار والیسی گه کوره، آواره بولگنلر ایکی کون ایچیده معیین ییرگه آلیب باریلدیر. قندوز ولایتیدهگی جاری اوروش دن آلتی کون اوتیشیگه قرهمی، لیکن هنوز هم ولایت مرکزی نینگ کته قسمی جنگری طالبلر قولیده قالماقده.
