بدخشان امنیتی مسووللرینینگ ایتیشیچه، اوتگن کیچه فیضآباد شهریده طالبان گروهینینگ اعضالریدن بیری ایناغهسینینگ یاردمی بیلن تورموش اورتاغی(خاتینینی) آتیب اولدیرگن.
اولرنینگ ایتیشیچه، مذکور عیالنینگ آتی آزاده بولیب اوتگن کیچه ساعت 7 اطرافیده فیضآباد شهرینینگ 3- ناحیهسیده اوق آستیگه قرار بیریلگن.
بدخشان پولیس قومندانلیگینینگ سوزلاوچیسی ثناالله روحانینینگ سلاموطندارگه ایتیشیچه، 5 بالهنینگ آنهسی آزاده نیچه آی آلدین تورموش اورتاغی( ایری) دن ایریلیشنی ایستهگن ایدی و بدخشان استیناف محکمهسی مذکور عیالنینگ تورموش اورتاغی(ایری)نینگ یوقلیگیده طلاق حکمینی صادر قیلگن.
اونینگ ایتیشیچه، محکمه تامانیدن طلاق حکمی صادر ایتیلگنی سبب اونینگ تورموش اورتاغی(ایری) انتقام کینیدن توشگن.
مذکور عیالنینگ 15 یاشر بالهسی محیالدیننینگ ایتیشیچه، قورالی طالبلردن کمیده 20 تهسی اویلریگه کیریب و فاروق آتلی ابهسی، آنهسی نی اوق آستیگه قرار بیرگن.
بدخشان عیاللر ریاستینینگ باشلیغی ذوفنون ناطقنینگ خواطر بیلدیریب ایتیشیچه، فیضآباد شهریده عیاللرنینگ حیاتی جدی تهدید بیلن دوچ کیلگن.
