.jpg)
قندوز پولیس قومندانلیگی تامانیدن ترقه‌تیلگن خبرنامه‌ده یازیلیشیچه، اوتگن کیچه افغان امنیتی کوچلری، قورال‌لی طالب‌لرگه آغیر زیان ییتکیزیب و قندوز شهری‌نینگ چوکی‌نی مذکور گروه جنگری‌لریدن تازه‌لگن.
قندوز پولیس قومندانی محمدقسیم جنگل‌باغ دن نقل قیلینیب خبرنامه‌ده یازیلیشیچه، اوتگن کیچه یریم‌لریده خاص امنیتی کوچلرنینگ عملیاتی نتیجه‌سیده، شهر مرکزی طالب‌لردن تازه‌لنگن و حاضر قندوز شهری‌نینگ ایریم منطقه‌لریده قاطع کوچلر حمایتی‌ده حربی عملیات دوام ایتماقده.
بیراق، قندوز ولایت کینگشی اعضاسی امرالدین ولی‌نینگ ایتیشیچه، حاضرگچه طالب‌لر شهر چوکی‌دن اوزاقلشتیریلمه‌گن و بو منطقه‌ده امنیتی کوچلر و طالب‌لر آره‌سیده توقنه‌شوو دوامی بار.
باشقه تاماندن، قندوز حوزه‌وی کسلخانه باشلیغی نعیم منگل‌نینگ ایتیشیچه، حاضرگچه 53 یره‌دار تینچ اهالی اوشبو کسلخانه‌گه آلیب کیلینگن و یره‌لنگن‌لردن بیرقطاری‌نینگ احوالی آغیر دییلگن. جناب منگل‌گه کوره، یره‌لنگن‌لرگه عیال‌لر و باله‌لر هم شامل بولگن.
شونینگ‌دیک، قندوز حاکمی سوزلاوچیسی سیدمحمود دانش‌نینگ ایتیشیچه، افغان خاص کوچلر شهرگه ییتیشگن‌لر و حاضرگه‌قدر قندوز شهری‌نینگ ایریم منطقه‌لری طالب‌لردن تازه‌لنگن.
جناب دانش‌گه کوره، ولایت مقامی، پولیس قومندانلیگی، ملی خوفسیزلیک ریاستی و بالاحصار تپه‌سی امنیتی کوچلرنینگ نظارتی‌ده بولگن.
اوتگن کون (دوشنبه) ایرته‌لب ساعت 5 اطرافیده، قورال‌لی طالب‌لر تورت تاماندن قندوز شهری‌نینگ اوستیگه هجوم قیلگن‌لر و نیچه ساعت‌لیک آتیشمه‌دن کیین، مذکور شهر طالب‌لرنینگ قولیگه اوتدی.
