روسیه بیلن پاکستان‌نینگ حربی علاقه‌سی مستحکم‌لنیشی، افغانستان و منطقه اوچون قیین‌چیلیک یره‌ته‌دی.
سونگی کونلرده ترقه تیلگن گزارشلر اساسیده، اوتگن کون روسیه حربیلریدن بیرقطاری، پاکستان حربیلریگه 2 هفته‌لیک حربی تعلیمات بیریش اوچون، مذکور مملکت‌گه بارگنلر.
ایش بیلرمانلردن بیرقطاری نینگ ایتیشیچه، پاکستان بیلن روسیه اورته‌سیده‌گی بونده‌ی اتفاق توزیش لایحه‌لر، ایکّی مملکت علاقه‌سی مستحکم‌لنیشی‌گه سبب بوله‌دی و بو ایکّی مملکت‌نینگ یقین‌لشگنی، افغانستان و منطقه مملکت‌لریگه زیان ییتکیزه‌دی.
سیاسی ایش بیلرمانلردن بیری جاوید غفوری نینگ سلام‌وطندارگه ایتیشیچه، سونگی کونلرده، امیریکا و غرب تامانیدن، عصیانچیلرگه قرشی کوره‌شیش بهانه‌سیده پاکستان گه بیلدیریگن باسیملر، پاکستاننی چالغیتگن و باشقه بیر تاماندن، افغانستان، هندوستان و امیریکا نینگ یقین لشگنی، رسمی اسلام آبادنی خواطرگه سالگن.
اوشبو سیاسی ایش بیلرمان نینگ ایتیشیچه، پاکستان بورچک‌ده قالیشی‌دن قورقیب سیاستلرینی اوزگرتیرگن، اوزینی روسیه‌گه یقین لشتیریب، امیریکا اوچون بدیل تاپیش‌گه حرکت قیله‌دی.
جناب غفوریگه کوره، روسیه بیلن پاکستان نینگ یقین لشگنی، شانگهای تشکیلاتی لایحه‌لریدن بیری سنله‌دی، چین و روسیه مملکتلریده، منطقه‌ده قطار مملکتلر بیلن علاقه باغله‌یدی و بو منطقه زیانیگه تمام بوله‌دی. حربی ایش بیلرمانلریدن باشقه بیری کابل‌خان تدبیرنینگ ایشانچی‌گه کوره، امیریکا و دنیاجماعه چیلیگی تامانیدن پاکستان‌گه کیریتیلگن باسیملر و افغانستان بیلن هندوستان نینگ علاقه‌سی یخشی له نیب باعث، پاکستان، امیریکا اوچون بدیل تاپیش‌گه حرکت قیلگن. دیمک امیریکا، پاکستان‌دن یوز قیترگن صورتده، پاکستان باشقه بیر بدیل تاپگن بوله‌دی.
جناب تدبیرگه کوره، پاکستان بیلن روسیه نینگ حربی علاقه‌سی بونی کورسته‌دی کیم، روسیه اوز منفعتی‌نی ایزله‌یدی و پاکستان، روس قورالی اوچون یخشی بازار بوله آله‌دی.
عین حالده، پاکستان نینگ حربی عمومی علاقه‌سی رسمیلری نینگ ایتیشیچه، بو حربی تعلیمات‌ده ایکّی مملکت‌دن کمیده 200 حربی اشتراک ایتیشی ممکن.
اوتگن ییل، روسیه بیلن پاکستان، ای ای 35 تیک اوچر کیلیشوویگه قول قویگن ایدی، شونده‌ی بیرحالده، روسیه، افغانستاننی اشغال ایتگن زمانی‌ده، قورال ساتیش‌نی منع ایتگن ایدی.
