.jpg)
بوگون (دوشنبه) کابلده خبری بیر ییغینده سوزگه چیققن افغانستان بوییچه قاطع کوچلر سوزلاوچیسی اورین باسری چارلز کلیفلند، طالبلرنینگ اوروش تاکتیکی اوزگرگنیدن خبر بیریب ایتیشیچه، اوشبو گروه شهرلر مرکزی و تومنلر اوستیگه گروهی شکلده هجوم قیلهدی.
جناب کلیفلندگه کوره، طالبلرنینگ استخباراتی اوتمیشلرگه قرهگنده کوچلی و منسجم بولگن و بو گروه ینگی حربی تاکتیکلردن فایدهلنیب اویغون و گروهی شکلده هجوم قیلهدی. اونینگ کوپهیتیریشیچه، سونگی کونلرده قوراللی طالبلر تبلیغی فعالیتلرینی کوپه یتیریب و بیر قطار ولایت لر اینیقسه هلمند و قندوزنی تصرف ایتیشگه قصد قیلگنلر.
.jpg)
قاطع کوچلر سوزلاوچیسی اورین باسری داعش گروهیگه اشاره قیلیب ایتیشیچه، افغانستانده اوشبو گروهگه تیگیشلی چمه سی 1500 جنگری موجود و بو اساسده داعش گروهی افغانستان دولتی اوچون کته تهدید سنلمهیدی.
بیراق، اوشبو امیریکهلیک جنرالنینگ ایشانچیگه کوره، دولتی کوچلر اوتمیشلرگه قرهگنده کوچلی بولگن و اولر اوزاق مدتگچه تورلی بولیملرده اوشبو کوچلرگه یاردم بیرهدیلر.
قاطع کوچلر سوزلاوچیسی اورین باسری سوزلری جریانیده، اوروش کورگن و اوزاق ولایتلرگه حربی بلند مرتبهلی رسمیلرنینگ سفریگه اشاره قیلیب ایتیشیچه، بو سفرلر حربیلرگه روحیه بیریش اوچون ایجابی تأثیر تشلهیدی و بو سفرلر دولتگه قرشی قوراللی عصیانچیلر برابریده دولتی کوچلرگه روحیه بیرهدی.