غزنی ولایتی‌نینگ امنیه قوماندانی جنرال امین‌الله امرخیل‌نینگ اخبارات واسطه‌لریگه یوبارگن نامه‌سیده، سونگی وقت‌لرده مملکت ایچکی ایشلر وزیرلیگی‌ده ترفیع‌لر همده تقررلیک‌لرنی تنقید قیلیب ایتیشیچه، بو ایش تنظیمی، سیاسی همده پول توله‌نیش مقابلی‌ده کیشیلرگه بیریلگن دیگن.
مملکت مستقل‌لیگی‌نینگ 97- ییل‌لیگی مناسبتی بیلن جمهور رییس‌لیک سرایی‌ده اوتکزیلگن ییغین‌ده ایچکی ایش و مدافعه وزیرلریگه سترجنرالیک رتبه‌سی و ولایتلر شامل کابل‌ده‌گی اونلب حربی‌گه مدال بیریلگن.
جناب امیرخیل‌نینگ سوزلریگه قره‌گن‌ده، اوزی شامل هنوزگه اونلب کیشی‌گه 15ییل جریانی‌ده ترفیع آلمه‌گن‌لر. اما، بعضی شخص‌لر بیر و ایکی ییل‌ده جنرال‌لیک مقامی‌گه ییتگن‌لر. او، "عدالت سیزلیک" لر منصبدارلر کوزیدن یاشیرون قالمیدی.
افغانستان ملی بیرلیک حکومتی‌نینگ رهبرلری اینیقسه افغانستان جمهور رییسی محمداشرف‌غنی‌نینگ اوزی اونلب مرته امنیتی کوچلرنینگ سیاسی بولمس لیک‌لریگه تاکیدله گن‌لر. امرخیل، " ایچکی ایشلر، امنیت کینگشی و جمهور رییس‌لیک سرایی اوزی حربی کوچلرنی سیاسی لشتیریلگن‌لر" دیگن.
غزنی ولایتی‌نینگ ولایت کینگشی باشلیغی حمیدالله نوروزی، جناب امرخیل‌نینگ مملکت بولیب خوش اخلاق منصبدارلردن ایکن لیگی‌گه اشاره قیلیب، مملکت ایچکی ایشلر وزیرلیگی امتیاز همده امکانیت‌لرنی ترقه‌تیش‌ده قونت بیلن عمل قیلمیدیلر دیگن.
شونینگ‌‍‌‌‌‌‌دیک جناب نوروز مملکت‌نینگ مذکور اوچ امنیتی اداره‌سی مسوول‌لریدن طرف‌سیز مسوول‌لریگه نسبتن بی مهرلیک قیلمس‌لیک‌لرینی سوره‌گن.
بو توغریده افغانستان ایکچی ایشلر وزیرلیگی‌نینگ فکرینی اورگه‌نیش اوچون آلیب بارگن سعی وحرکتی میز نتیجه‌سیده، لیکن وزیرلیک سوزلاوچی‌سی‌نینگ اورین باسری نجیب‌الله دانش بو حقیده سوز بیریش‌دن باش تارتدی.
جناب امرخیل اوتگن ییل غزنی ولایتی‌نینگ خوف‌سیزلیک وضعیتی جدی بیر شکل‌ده یامان بولگن بیر پیت‌ده ولایت‌نینگ اونلب خانه‌دانی کابل‌ده آواره بولگن بیر چاغده بو ولایت امنیه قوماندانی ایتیب تعین‌لنگن ایدی.
