.jpg)
فاریاب ولایتینینگ محلی بلند مرتبهلی رسمیلری، نا تانیش کیشیلر 25 یاشیر فوزیه ناملی عیالنی مذکور ولایت خواجهسبزپوش تومنینینگ ینگی قلعه قیشلاغیده باشینی کیسیب اولدیرگن لیگی بارهسیده خبر بیردیلر.
اوشبو شخصلر عیالنی اولدیرگندن کیین جسدنی چاقو بیلن توغرهگن. ولایت مسووللری کوچلی احتمال بیلن فوزیه، تورموش اورتاغی ینه قیینآتهسی تامانیدن قتل ایتیگن دیگنلر.
خواجهسبزپوش تومنینینگ حاکمی عبدالله معصومینینگ سلاموطندارگه ایتیشیچه، فوزیه اصلیده پشتونکوت تومنی منطقهسبز یشاووچی بولگن.
بوندن ایکی ییل آلدین اویلنگن فوزیهنینگ هنوزگچه فرزندی بولمهگن لیگی تومن حاکمی تیلیدن اظهار ایتیلگن.
فاریاب پولیس قوماندانلیگینینگ سوزلاوچیسی عبدالکریم یوریش حادثهنی تصدیقلب، واقعهده قولی بارلیکده گمان ایتیلیب فوزیهنینگ تورموش اورتاغی محمداسحاق و قیینآتهسی عبدالقیوملر پولیس آرقهلی قولگه آلینگن دیگن.
فاریاب ولایتیده عیاللرنی قتل ایتیش واقعهلری آشگن لیگی توغریسیده تشویش بیلدیرگن ولایت انسان حق وحقوقلری بوییچه کمیسیون مسووللری، فقط جاری ییل جریانیده خاتین – قیزلر قتلیگه عاید 24 مودر بو اداره تامانیدن رویخطگه آلینگن لیگینی بیلدیرگنلر.
فاریاب انسان حق و حقوقلری بوییچه ادارهنینگ باشلیغی سیدحفیظالله فطرت، فوزیهنینگ قتلی عایلهوی قیینچیلیکدن کیلیب چیقیشی ممکن دیدی.
شونینگدیک جناب فطرت، مذکور خانهدان بوندن آلدین هم عایلهوی زوروانلیکلر گواهی بولگن دیدی جناب فطرت.
کمیسیون باشلیغی واقعهده قولی بارلیگی یوزهسیدن فوزیهنینگ تورموش اورتاغی ینه قیینآتهسی حبسگه آلینگن دیگن.
شونینگدیک کمیسیون مملکت عدلی و قضایی ادارهلریدن حادثه عامللری جزالهنیشینی سورهگن.
