پروان امنیتی مسووللری نینگ ایتیشیچه، تورت کیشی برق پایهسینی تخریب قیلیشگه عیبلنگنی باعث، امنیتی کوچلر تامانیدن قولگه آلینگن.
اوشبو 4 کیشی اوتگن کیچه قوشمه بیرعملیات آرقهلی، سالنگ تومنی نینگ «قلاتک» قیشلاغیدن قولگه آلینگن.
پروان پولیس قومندانلیگی خوفسیزلیک آمری عبدالواسع رحیمی نینگ بو خبرنی تصدیقلب سلاموطندارگه ایتیشیچه، قولگه آلینگن کیشیلر سالنگ تومنی یشاوچیلری دیر و تحقیقات اوچون ملی خوفسیزلیک ادارهسیگه تاپشیریلگن.
عینحالده، پروان ولایتیدن محلی بیرمنبع نینگ کیملیگی سیرقالیشنی ایستهب سلاموطندارگه ایتیشیچه، بو توغریده عیبلنگن باشقه ایکی کیشینی قولگه آلیش اوچون سعی و حرکتلرنی دوامی بار.
ایتیلیشیچه، پروان پولیس قومندانی محمدمحفوظ ولیزاده، چیتایلدن کیلهدیگن برق پایهسی نینگ سالنگ تومنیده تخریب ایتیلگنی باعث، اوشبو تومن جنایی جرایملر آمرینی ایشدن چیکلنتیریب و سالنگ تومنی بوییچه تروریزمگه قرشی کورهش مدیریگه بو واقعه عامللرینی قولگه آلیش اوچون 4 کون مُهلت بیرگن ایدی.
