هرات محلی یوقاری مرتبهلی رسمیلرینینگ ایتیشلریچه، قوراللی طالبلر شیندند قوم یاش اولوغلرینی اولدیریش و بو تومن اهالیسی اورتهسیده ایریمهچیلیک تشلش بیلن بو تومن تورت ولسواللیککه بولینیشیگه توسیق بولهدیلر.
حکومت شیندندده امنیت تامین بولیشی اوچون مذکور تومننینگ تورت اداری واحدگه بولیشنی نظرده توتگن.
هرات والیسی محمدآصف رحیمینینگ ایتیشیچه، طالبلر حرکتینینگ رهبرلری بولمیش ملا هیبتالله و ملارسول مذکور تومن نیچه ولسواللیککه بولینیشی گه توسیق یرهتیش اوچون قوم بویوکلرینی ترور قیلیشگه حرکت قیلهدیلر.
هرات ولایتیده اوتکزیلگن خبری ییغینده سوزلهگن ولایت والیسی، شیندند تومنی باشقه تورت ولسواللیککه بولیشینی آلدی آلینیشی اوچون تومن جامع مسجدینینگ امامی جنگری طالبلر آرقهلی ترور ایتیلیشی بو لایحهنی ینه آرتده قالدیرگن دیدی.
بوگون ناراضیلیک نمایش اوتکزگن شیندند تومنینینگ اهالیسیگه کوره، بو تومن پاکستان جاسوسلیک ادارهسی نینگ اوروش میدانیگه ایلنگن.
تورمحمد ظریفینینگ سوزلریگه کوره، کونده تومننینگ اونلب اهالیسی اوز جانلرینی سقلش اوچون هرات ولایت مرکزیگه کوچه دیلر.
اعتراضچیلر، حکومت تومندهگی غرضلی ترولر همده اوی اوی جاییدن آواره بولگنلر تقدیری اوچون هیچ قندهی اعتبار قرهتمیدی دیدیلر.
شونینگدیک نمایشچیلری، سونگی بیر آی ایچیده 30 دن آرتیق تینچ اهالی اولدیریلگن دیگنلر.
شیندند هرات ولایتینینگ 125 کیلو مترلیگیده جایلشگن تومنلریدن حسابلنهدی. بو تومن نینگ چمهسی بیر میلیون جمعیتی بارلیگی ایتیلهدی.
